Efiektnyja sukienki i skuranaja mini-spadnica. Jak eks-premjerka Finlandyi tusiła na muzfiestyvali
U instahramie 37-hadovaj eks-premjerki Finlandyi Sany Maryn pamiž pracoŭnymi momantami možna znajści i prahułki na pryrodzie, i viečarynki z kuflem. Dniami ž jana padzialiłasia fotapadborkaj z muzyčnaha fiestyvalu Flow, jaki prachodziŭ u Chielsinki z 11 pa 13 žniŭnia, piša Tabloid.pravda.com.ua.
Miarkujučy pa roznych strojach Maryn: čornaj napaŭprazrystaj midzi-sukiency, ružovaj mini-sukiency i čornaj skuranoj spadnicy z topam, — žančyna naviedała ŭsie try dni mierapryjemstva.
Padpisčyki ź instahrama dziakavali žančynie za toje, što jana nie baicca być sapraŭdnaj i pakazvaje, jakim moža być sučasny palityk. Ale miarkujučy pa tym, što paźniej Maryn zakryła kamientary, u ich było niamała i maralistaŭ, jakija jaje asudzili.
U mai hetaha hoda Sana paviedamiła pra razvod sa svaim mužam Markusam Rajkanienam. Da šlubu para, u jakoj jość 5-hadovaja dačka Ema-Amalija, była razam cełych 16 hadoŭ. A voś aficyjny šlub nie pratrymaŭsia i troch.
Sama Sana Maryn vychoŭvałasia ŭ adnapołaj siamji — mamaj i jaje partniorkaj. Svajho baćku, jaki chvareŭ na ałkahalizm, jana faktyčna nie viedała.
Eks-premjer Finlandyi paprasiła miedyja nie ŭmiešvacca ŭ jaje pryvatnaje žyćcio
Premjer Finlandyi aficyjna padała ŭ adstaŭku paśla parazy na vybarach
Prezidentka Jeŭrakamisii i premjerka Finlandyi raskazali, jak zmahajucca z seksizmam
Finskaja premjerka Sana Maryn stała zorkaj. A što viadoma pra jaje muža?
Premjerka Finlandyi zdała test na narkotyki, i ŭ jaje ŭsio dobra
36-hadovaja premjerka Finlandyi ŭzarvała internet mini-šortami. Raskazvajem pra jaje
Kamientary