Niejrabijołahi adnavili pieśniu Pink Floyd pa zapisanych mazhavych chvalach słuchačoŭ
Amierykanskija daśledčyki zmahli rekanstrujavać pieśniu Another Brick in The Wall hurta Pink Floyd na asnovie analizu impulsaŭ aktyŭnaści, jakija prachodziać praz peŭnuju častku skronievaj doli mozha.
Kab sabrać źviestki ab mazhavoj aktyŭnaści, navukoŭcy adabrali 29 dobraachvotnikaŭ, jakija mieli impłantavanyja mazhavyja elektrody dla lačeńnia epilepsii. Zatym daśledčyki ŭklučyli pieśniu, kab adsačyć niejronavyja paterny ŭ mazhach słuchačoŭ.
Atrymanyja danyja niejrabijołahi praanalizavali pry dapamozie kampjutarnych ałharytmaŭ. U vyniku atrymałasia adnavić trek u skažonym, ale ŭsio jašče paznavalnym vyhladzie.
Jak śćviardžajuć navukoŭcy, hetaje daśledavańnie dapamoža pacyjentam, u jakich parušany moŭny aparat praz paškodžańnie hałaŭnoha mozha. U pierśpiektyvie moža być raspracavany dekodar, jaki budzie sintezavać movu čałavieka, pieradajučy intanacyju, tanalnaść i navat muzykalnaść movy.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary