«Nichto i nikoli nie zmoža adabrać našu luboŭ da ciabie». Śviatłana Cichanoŭskaja — u dzień naradžeńnia muža
Śviatłana Cichanoŭskaja apublikavała zvarot da asudžanaha na 19 z pałovaj hadoŭ muža, jaki ŭžo čaćviorty zapar dzień narodzinaŭ sustrakaje za kratami.
«Darahi Siarhiej,
Kožny dzień Ahnija i Karniej pračynajucca i zasynajuć z pytańniem, jak majecca tata. Bo ŭžo daŭno my nie atrymlivajem ad ciabie nijakich viestak. Ale ja zaŭsiody kažu im, što tata mocny i z usim spravicca. Ja ščyra vieru ŭ heta, tamu što viedaju ciabie, Siarhiej.
Jany hatovyja pa dziasiatku razoŭ za dzień prakručvać adno i toje ž videa z taboj, tolki kab ubačyć, jak tata ŭśmichajecca. A kali my hladzim našy fatahrafii, Ahnija i Karniej kažuć: «U nas samy lepšy tata na śviecie». U hety momant ja ŭśmichajusia, tamu što viedaju, što nichto i nikoli nie zmoža adabrać našu luboŭ da ciabie.
Ahnija vielmi lubić malavać. I nivodny ź jaje malunkaŭ nie abychodzicca bieź ciabie, darahi Siarhiej. Na jaje malunkach ty idzieš da nas nasustrač, abdymaješ, i my ŭsie trymajemsia za ruki. Niadaŭna Ahnija pakazvała mnie svaje novyja malunki i skazała: «Mama, ja chaču, kab karcinki na maim malunku ažyli i tata byŭ pobač». Heta naša ahulnaje žadańnie, i siońnia my zahadvajem jaho ŭsie razam.
My lubim ciabie i čakajem».
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ10
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary