Sacsietku X (były tvitar) mohuć całkam vydalić z kram Apple i Google
Pryčyna hetaha — novaja sprečnaja zaduma Iłana Maska.
Tvitar (ciapierašni X) mohuć vydalić z App Store i Google Play za hrubaje parušeńnie praviłaŭ supracoŭnictva z hetymi kramami. Pra heta raspaviało vydańnie Variety.
Jak adznačaje vydańnie, usiamu vinoj moža stać niadaŭna abvieščanaje ŭładalnikam sacsietki Iłanam Maskam novaŭviadzieńnie, pavodle jakoha z tvitara całkam źniknuć «čornyja śpisy» karystalnikaŭ.
«U praviłach i ŭmovach supracoŭnictva z kramami Google i Apple vyrazna napisana, što va ŭsich mabilnych prahramach, jakija źmiaščajuć kantent karystalnikaŭ i asabistuju infarmacyju, abaviazkova pavinna być funkcyja błakiroŭki abraźlivaha kantentu i karystalnikaŭ, jakija parušajuć praviły supolnaści i zamachvajucca na pačućci inšych ludziej. Hety punkt taksama raspaŭsiudžvajecca i na piersanalnyja čornyja śpisy, jakija i źbirajecca całkam vydalić z tvitara Iłan Mask», — piša Variety.
Sam Mask niadaŭna nazvaŭ funkcyju «čornych śpisaŭ» i banu karystalnikaŭ u tvitary «biessensoŭnaj».
Razam z tym vydaleńnia tvitara z kram mabilnych prahram moža i nie adbycca, kali Mask prydumaje ŭzamien novy miechanizm abmiežavańnia niepažadanaha i abraźlivaha kantentu i ludziej, jakija jaho raspaŭsiudžvajuć. Kali hetaha nie adbudziecca i kali Mask sapraŭdy ździejśnić svoj namier, to tvitar moža źniknuć z kram užo ŭ najbližejšy čas.
Ciapier čytajuć
Na Dzień Voli i dzień inaŭhuracyi Łukašenki ŭ Biełarusi abmiažujuć internet6
Kamientary