«Čas latać na svaich». Parchomčyk zajaviŭ, što Biełaruś rychtujecca vypuskać svaje samaloty
Samalot biełaruskaj vytvorčaści — heta realna, skazaŭ na ANT namieśnik premjer-ministra Biełarusi Piotr Parchomčyk.
«My płanujem vyrablać u siabie lohki 12-miascovy samalot ŁMS-401, nabyć dla hetaha ŭsie kampietencyi. Znachodzimsia na etapie raspracoŭki dośledna-kanstruktarskich rabot — našy śpiecyjalisty buduć raspracoŭvać, a potym užo vyrablać. Spatrebicca ŭdzieł Minskaha zavoda hramadzianskaj avijacyi numar 407 i 558-ha avijacyjnaha ramontnaha zavoda ŭ Baranavičach», — skazaŭ jon.
Pavodle Parchomčyka, dla hetaha spatrebicca budaŭnictva dadatkovych vytvorčych mahutnaściaŭ u častcy miechanaapracoŭki, u častcy budaŭnictva korpusa dla zborki danych samalotaŭ.
«Času ŭ nas absalutna niama, heta treba rabić chutka, apieratyŭna», — skazaŭ jon.
«Tema absalutna patrebnaja, heta novy viektar raźvićcia, chopić niešta ramantavać, čas latać na svaich samalotach», — ličyć Parchomčyk.
Vice-premjer dadaŭ, što ciapier u Biełarusi realizujecca 17 inviestycyjnych prajektaŭ na 127 młrd rasijskich rubloŭ. Dadatkova na ŭzhadnieńni znachodziacca 12 prajektaŭ na 37 miljardaŭ rubloŭ.
Raniej pasoł Biełarusi ŭ Rasii Dźmitryj Kruty zajaviŭ, što ŭ Biełarusi ŭžo pačali realizacyju prajekta sumiesnaha biełaruska-rasijskaha samalota. «Pakul dva našy pradpryjemstvy buduć udzielničać jak kaapieratary, pastaŭščyki kamplektujučych u rasijskich prajektach, heta ŭ asnoŭnym MS-21 i Superjet», — skazaŭ jon.
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary
- Nie, synok, heta ŁMS-401