Śniadanak, abied ci viačera, piknik ci pryjom haściej — hetaja strava idealna pasuje na ŭsie vypadki.
Fota: Getty Images
Spatrebicca:
- trochi muki dla pasypki pavierchni
- 375 h hatovaha piasočnaha ciesta
- 150 h brokali, narezanaj drobnymi sukviećciami
- 3 siarednija jajki
- 200 mł uźbitych viarškoŭ
- 75 h syru (naprykład, čedaru), bujna naciortaha na tarcy
- 2 st. ł. narezanaj śviežaj zialonaj cybuli
- 150 h pamidoraŭ čery, parezanych
- prypravy
- zialonaja sałata dla padačy
Jak hatavać:
- Razahrejcie duchoŭku da 200°C. Źlohku pasypcie pracoŭnuju pavierchniu mukoj i raskačajcie ciesta, a potym vykładzicie jaho ŭ formu dyjamietram kala 20,5 sm. Dobra pakalicie ciesta videlcam u roznych miescach, kab jano «dychała» padčas vypiakańnia, a zatym astudzicie na praciahu 15 chvilin, kab troški zaćviardzieła.
- Hatujcie ŭ duchoŭcy 15 chvilin ci daŭžej — pakul baki nie zastynuć, a asnova nie stanie piasočnaj navobmacak. Dastańcie z duchoŭki i adkładzicie ŭbok. Pamienšycie tempieraturu duchoŭki da 160°C.
- Pakul ciesta vypiakajecca, daviadzicie da kipieńnia siaredniuju kastrulu z vadoj i varycie brokali 3 chviliny, pakul jana nie stanie miakkaj. Źlicie vadu. U vialikaj miscy ŭźbicie jajki, viarški, syr, zialonuju cybulu i roznyja prypravy. Adstaŭcie ŭbok.
- Vykładzicie brokali i pamidory ŭ ciesta, jakoje znachodzicca ŭ formie, potym zalicie jaječnaj sumieśsiu. Viarnicie ŭ duchoŭku na 40 chvilin abo pakul piroh nie zastynie. Padavajcie ciopłym abo pakajovaj tempieratury ź zialonaj sałataj.
Bolš receptaŭ:
Jak pryhatavać idealnuju brokali?
Recept na vychadnyja. Kiš z syru i cybuli — prostaja francuzskaja strava
Kamientary
"łopaj šo dajut" - raźvie nie takoj łozunh visieł v vašiej sovietskoj kazarmie?
a dzie našyja 2000 ?
tamu šo [Red. vydalena] skazaŭ, ŝo
apčCh