Azaronak — palakam: Vy ž niemcaŭ nie lubicie — dyk nie kličcie «Vahniera» na svaju hałavu
Prapahandyst Ryhor Azaronak paŭtaryŭ zaprašeńnie Łukašenki da palakaŭ naładžvać dyjałoh i pryjechać naziralnikami na vajskovyja vučeńni. Zroblena heta było ŭ tradycyjnaj formie — z abrazami i pahrozami.
«Adnosiny Biełarusi i Polščy napružany jak nikoli. Łukašenka robić kroki dla deeskałacyi. My nie žadajem nijakaj vajny, jak i polski narod», — praanansavali siužet z Azaronkam na STB.
Azaronak u tradycyjnaj maniery pakazaŭ «družalubnyja» pamknieńni režymu Łukašenki.
«Nie budzie cudu na Viśle. A prosta Visła vyjdzie ź bierahoŭ. Vy ž niemcaŭ nie lubicie — dyk nie kličcie «Vahniera» na svaju hałavu. Šapen z Ahinskim nie dapamohuć. Lepš pryjazdžajcie. Pa-dobramu, pa-susiedsku, pa-słaviansku. Bo polski narod, jon narmalny. Toj, jaki jašče čytaŭ Siankieviča. Toj, jaki pamiataje varšaŭskaje hieta i varšaŭskaje paŭstańnie», — znajšoŭ arhumienty Azaronak.
Naprykancy svajho «dobrazyčlivaha» zaprašeńnia prapahandyst patros i jadziernaj dubinaj.
«Nu, dyk što, susiedzi? Stary mieč u nožny? Ci ž sčepimsia? Jano vam treba potym — pramianiovuju chvarobu stahodździami lačyć?
Lepš sieści za ahulny słavianski stoł, machanuć miravuju dy praśpiavać, jak u staryja dobryja, kali zdymali jašče dobraje kino», — skazaŭ jon.
31 žnŭnia Łukašenka zajaviŭ, što hatovy da adnaŭleńnia adnosin z susiedziami. «Z hetaj nahody my zaprasili pradstaŭnikoŭ Polščy ŭ jakaści naziralnikaŭ na vučeńni ADKB «Bajavoje braterstva — 2023», — skazaŭ jon.
Pavodle Minabarony, polski bok na zaprašeńnie nie adkazaŭ.
Raniej Łukašenka zajaviŭ, što 2 lipienia jon daručyŭ uradu i Ministerstvu zamiežnych spraŭ prapanavać zachodnim susiedziam «płan dobrasusiedstva i miru».
Ciapier čytajuć
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA9
Kamientary
SSSR nie poddieržał vosstanije i pozvolił niemcam jeho zadušiť! Hriša, čitaj umnyje knižki, a nie hniłyje opusy mukovozčikoa v Sovbiełkie!