«Pa što idzieš, voŭča?» Śviatłany Kurs pierakłali na češskuju movu
Raman «Pa što idzieš, voŭča?» Jevy Viežnaviec (Śviatłany Kurs), łaŭreat Premii Ježy Hiedrojcia-2021, vychodzić u češskim vydaviectvie Paŭła Miervarta (Nakladatelství Pavel Mervart). Pierakłaŭ jaho biełaruski paet i litaratar Maks Ščur, jaki daŭno žyvie ŭ Prazie, paviedamlaje vydavieckaja inicyjatyva «Pflaŭmbaŭm».
Užo siońnia «Pa što idzieš, voŭča?» možna znajści na sajcie vydaviectva ŭ raździele «Navinki».
«Apošni raman Jevy Viežnaviec «Pa što idzieš, voŭča?» prapanuje śviežy sučasny pohlad na kłasičnyja temy biełaruskaj litaratury, takija jak vajna, kalektyvizacyja, stalinskija represii, los biełaruskaha naroda ŭ XX stahodździ — usio heta razhladajecca aŭtaram vačyma jaje hieraiń, — adznačajecca ŭ anatacyi da vydańnia.
Hałoŭny apaviadalnik — narodnaja lekarka, jakaja na praciahu ŭsiaho žyćcia zapisvaje ŭ asabistym dziońniku padziei ŭ rodnaj vioscy i vakolicach. Jaje ŭnučka, žančyna siaredniaha vieku z prablemami z ałkaholem, viartajecca z-za miažy na pachavańnie babuli i znachodzić dziońnik, ź jakoha jana daviedajecca šmat padrabiaznaściaŭ pra žyćcio svajoj siamji za apošnija sto hadoŭ.
Raman napisany niesumniennaj narodnaj movaj, jakuju Viežnaviec, dypłamavanaja fiłałahinia ź biełaruskaj vioski, viedaje blizka i jakoj bliskuča vałodaje. Aŭtarka spałučaje najlepšaje ź biełaruskaj litaratury — žorstkuju aŭtentyčnaść Śviatłany Aleksijevič i fiłasofskuju hłybiniu Vasila Bykava — z čornym humaram i mahičnym realizmam u styli Habryela Harsija Markiesa. Raman naležyć da najlepšych u sučasnaj biełaruskaj prozie i nievypadkova trapiŭ u šort-list samaj prestyžnaj biełaruskaj litaraturnaj premii Ježy Hiedrojcia».
U 2022 hodzie hety tvor taksama vyjšaŭ u aŭstryjskim vydaviectvie Paul Zsolnay na niamieckaj movie.
Čytajcie taksama:
Kniha Jevy Viežnaviec «Pa što idzieš, voŭča?» trapiła ŭ šort-list mižnarodnaj premii
Jakija knihi słuchajuć biełarusy? Samaje papularnaje z Audiobooks.by
«Was suchst du, Wolf?» Raman Jevy Viežnaviec zachoplena prezientavali na Lejpcyhskim knižnym kirmašy
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary