Раман «Па што ідзеш, воўча?» Евы Вежнавец (Святланы Курс), лаўрэат Прэміі Ежы Гедройця-2021, выходзіць у чэшскім выдавецтве Паўла Мерварта (Nakladatelství Pavel Mervart). Пераклаў яго беларускі паэт і літаратар Макс Шчур, які даўно жыве ў Празе, паведамляе выдавецкая ініцыятыва «Пфляўмбаўм».
Ужо сёння «Па што ідзеш, воўча?» можна знайсці на сайце выдавецтва ў раздзеле «Навінкі».
«Апошні раман Евы Вежнавец «Па што ідзеш, воўча?» прапануе свежы сучасны погляд на класічныя тэмы беларускай літаратуры, такія як вайна, калектывізацыя, сталінскія рэпрэсіі, лёс беларускага народа ў ХХ стагоддзі — усё гэта разглядаецца аўтарам вачыма яе гераінь, — адзначаецца ў анатацыі да выдання.
Галоўны апавядальнік — народная лекарка, якая на працягу ўсяго жыцця запісвае ў асабістым дзённіку падзеі ў роднай вёсцы і ваколіцах. Яе ўнучка, жанчына сярэдняга веку з праблемамі з алкаголем, вяртаецца з-за мяжы на пахаванне бабулі і знаходзіць дзённік, з якога яна даведаецца шмат падрабязнасцяў пра жыццё сваёй сям’і за апошнія сто гадоў.
Раман напісаны несумненнай народнай мовай, якую Вежнавец, дыпламаваная філалагіня з беларускай вёскі, ведае блізка і якой бліскуча валодае. Аўтарка спалучае найлепшае з беларускай літаратуры — жорсткую аўтэнтычнасць Святланы Алексіевіч і філасофскую глыбіню Васіля Быкава — з чорным гумарам і магічным рэалізмам у стылі Габрыэля Гарсія Маркеса. Раман належыць да найлепшых у сучаснай беларускай прозе і невыпадкова трапіў у шорт-ліст самай прэстыжнай беларускай літаратурнай прэміі Ежы Гедройця».
У 2022 годзе гэты твор таксама выйшаў у аўстрыйскім выдавецтве Paul Zsolnay на нямецкай мове.
Чытайце таксама:
Кніга Евы Вежнавец «Па што ідзеш, воўча?» трапіла ў шорт-ліст міжнароднай прэміі
Якія кнігі слухаюць беларусы? Самае папулярнае з Audiobooks.by
«Was suchst du, Wolf?» Раман Евы Вежнавец захоплена прэзентавалі на Лейпцыгскім кніжным кірмашы
Ваўкі, улада і людзі: балотная казка Евы Вежнавец. Новае ВІДЭА на ютуб-канале Андрэя Хадановіча
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары12
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары