Śviet99

Biełaruś z hrupaj dyktatarskich režymaŭ sprabavała praz AAN asudzić sankcyi suprać siabie. Ale navat Kitaj nie padtrymaŭ

U rasparadžeńni vydańnia National Review źjaviłasia kopija aficyjnaha lista, u jakim 11 dyktatur, u tym liku Biełaruś, na dniach vykazvali AAN kalektyŭnaje niezadavalnieńnie z-za adsutnaści ŭ aficyjnych dakumientach krytyki ekanamičnych sankcyj. Dla ŭpłyvu na AAN dyktatury taksama mahli vykarystać adnu łukašenkaŭskuju prychilnicu. 

Fota: «Naša Niva»

17 vieraśnia režym Łukašenki sumiesna z takimi dyktatarskimi krainami, jak Erytreja, Zimbabve, KNDR, Nikarahua, Balivija, Kuba, Rasija, Vieniesueła, Siryja i Iran napisali kalektyŭny list na imia kiraŭnictva AAN z prośbaj unieści ich pazicyju z krytykaj ekanamičnych sankcyj (mienavita ŭviedzienych suprać ich) u vynikovyja aficyjnyja dakumienty arhanizacyi.

Jak piša vydańnie National Review, u vypadku pośpiechu heta mahło b być «kalektyŭnaj prapahandysckaj pieramohaj dyktatur i značnym udaram pa palitycy abarony pravoŭ čałavieka ŭ śviecie». Adnak hetaha nie adbyłosia.

Prapanovy dyktatarskich režymaŭ tak i nie byli ŭklučany ŭ finalny dakumient «pra Mety ŭstojlivaha raźvićcia AAN da 2030 hoda», jaki byŭ pryniaty padčas 78-j siesii Hienieralnaj Asamblei AAN, što adbyvajecca ciapier u ZŠA.

«Hrupa z 11 dyktatarskich režymaŭ, u tym liku Biełaruś, paskardziłasia čynoŭnikam AAN na adsutnaść aficyjnaj krytyki ŭviedzienych suprać ich sankcyj u dakumientach arhanizacyi, bo heta niasie «ekzistencyjnuju pahrozu» ich vyžyvańniu. 

Režymy pieršapačatkova zajavili, što ich prapanovy padtrymajuć Kitaj i inšyja krainy, jakija spačuvajuć im u AAN. Adnak hetaha ŭ vyniku nie adbyłosia», — adznačaje National Review.

Vydańnie taksama zvažaje na toje, što ŭ kalektyŭnym liście dyktatury pry apisańni niehatyŭnaha ŭpłyvu sankcyj na ich krainy spasyłalisia na «krynicy ŭnutry AAN».

National Review miarkuje, što pad hetaj farmuloŭkaj moža chavacca Alena Doŭhań — hramadzianka Biełarusi, jakaja maje značny pasłužny śpis u biełaruskich adukacyjnych ustanovach i z 2020 hoda zajmaje pasadu śpiecdakładčycy AAN pa pytańniach niehatyŭnaha ŭpłyvu sankcyj na ažyćciaŭleńnie pravoŭ čałavieka. 

«Na hetaj pasadzie Doŭhań rehularna sprabuje adharadzić dyktatarskija režymy ad mižnarodnaha cisku», — piša vydańnie.

Alena Doŭhań, hramadzianka Biełarusi na pasadzie śpiecdakładčycy AAN pa pytańniach niehatyŭnaha ŭpłyvu sankcyj na ažyćciaŭleńnie pravoŭ čałavieka, pravodzić pres-kanfierencyju ŭ Iranie z asudžeńniem sankcyj suprać hetaj tatalitarnaj krainy, 2022 hod. Fota: AP

Z samim kalektyŭnym listom možna aznajomicca tut. Pad im padpisalisia łukašenkaŭski dypłamat Valancin Rybakoŭ i pradstaŭniki astatnich 10 dyktatarskich režymaŭ. Jany adznačyli, što praciahnuć sproby ŭpłyvać na vynikovyja dakumienty AAN u budučyni.

Kamientary9

  • Alek. Ru
    19.09.2023
    Cikava, jakija aščuščenija ú łukašystaú ad takoj kampaški? Kampaški suśvietnych izhojaú, ad jakich usie curajucca?
  • Padšije
    19.09.2023
    Mołodcy, - davajtie vmiestie i družno schiematoziť, zarabatyvať, dla ukrieplenija diktatur, ličnych sčietov s zapadnymi součastnikami, no nie miešajtie tierrorizirovať i rieprieśsirovať sobstviennoje nasielenije. Dieńhi, vłasť - vsio, a ludiški - raschodnyj matieriał, libo pomohajuŝij dieržať vłasť i vorovať, libo miešajuŝij dieržať vłasť i vorovať (kłaśsičieskoje dobro i zło).
    Možno niemnožko inačie i pričiosańnieje, - narod dla hosudarstva (a hosudarstvo - ja, łukašienko, moja sieḿja i moi intieriesy), a nie hosudarstvo dla naroda.
    Porazitielno, no, v 21 viekie, dobraja trieť vłasť dieržaŝich sohłasno s tiem, čto narod dla hosudarstva v licie ich siemiej i intieriesov ich siemiej.
  • ACH
    19.09.2023
    Redakcyja: Dziakuj!

Ciapier čytajuć

Na kanviercie Cichanoŭskaj napisana «Miedviediu O.V.» Što heta za čałaviek?14

Na kanviercie Cichanoŭskaj napisana «Miedviediu O.V.» Što heta za čałaviek?

Usie naviny →
Usie naviny

Błohierki masava zapisvajuć videa ŭ šalonaj pozie na špilkach. Što adbyvajecca?12

U DAI adkazali, ci buduć uvodzić dziaržaŭnuju rehistracyju elektrasamakataŭ 

U Polščy chočuć uvieści daviedku ab niesudzimaści i abaviazkovy psichatest dla kiroŭcaŭ taksi1

Vydańnie Bgmedia prosić pra dapamohu2

«Usio z-za babuli». Donald Tramp daŭ niezvyčajnaje tłumačeńnie imklivamu rostu svajho syna Berana5

U Biełarusi zabaranili jeździć zimoj na ŭsiesiezonnych šynach6

Što rabić, kali ŭ kramach nie vydajuć reštu niekalki kapiejek8

U Łošycy rychtujuć da adkryćcia daŭhabud «Mandaryn»3

U Biełarusi dazvolili taniroŭku škła ŭ aŭtamabilach12

bolš čytanych navin
bolš łajkanych navin

Na kanviercie Cichanoŭskaj napisana «Miedviediu O.V.» Što heta za čałaviek?14

Na kanviercie Cichanoŭskaj napisana «Miedviediu O.V.» Što heta za čałaviek?

Hałoŭnaje
Usie naviny →

Zaŭvaha:

 

 

 

 

Zakryć Paviedamić