Jeŭraparłamient zaklikaŭ Mižnarodny kryminalny sud vydać ordar na aryšt Łukašenki
Jeŭraparłamient zaklikaŭ Mižnarodny kryminalny sud razhledzieć mahčymaść vydačy ordara na aryšt Łukašenki, skazana ŭ tekście rezalucyi, padpisanaj u Strasburhu.
U tekście rezalucyi asudzili «ŭdzieł režymu Łukašenki» ŭ vajnie Rasii suprać Ukrainy, raspalvańni nianaviści, dezynfarmacyi i prapahandzie, «jakaja pierahukajecca z vajaŭničaj rytorykaj Maskvy».
U tekście zhadvajecca falsifikacyja vybaraŭ u Biełarusi 2020 hoda, najaŭnaść u krainie bolš za 1 500 palityčnych źniavolenych, śmierci asudžanych u turmach dy kałonijach.
Taksama jeŭradeputaty asudzili i ŭdzieł režymu Łukašenki ŭ vyvazie ŭkrainskich dziaciej i vajskovaj padtrymcy Rasii, zajaviŭšy, što heta «ŭjaŭlaje niepasrednuju pahrozu biaśpiecy ES i jahonych hramadzian».
U častcy dakumienta ab represijach u Biełarusi skazana, što Jeŭraparłamient patrabuje, kab režym Łukašenki spyniŭ hvałt i vyzvaliŭ palityčnych źniavolenych, členaŭ ich siemjaŭ i «ŭsich advolna zatrymanych asob».
U sakaviku Mižnarodny kryminalny sud užo vydaŭ mižnarodnyja ordary na aryšt prezidenta Rasii Uładzimira Pucina i rasijskaj upaŭnavažanaj pa pravach dziciaci Maryi Lvovaj-Białovaj.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary