29 vieraśnia ŭ Muziei historyi Viciebskaha narodnaha mastackaha vučylišča adbudziecca adkryćcio vystavy mastackaj spadčyny Vasila Bykava z fondaŭ Dziaržaŭnaha muzieja historyi biełaruskaj litaratury, piša Reform.by.
My viedajem Vasila Bykava jak piśmieńnika, adnak viadomy biełaruski litaratar sprabavaŭ svaje tvorčyja siły i ŭ vyjaŭlenčym mastactvie.
Heta asobnaja staronka jaho tvorčaj bijahrafii.
Vasil Bykaŭ zachaplaŭsia malavańniem ź dziacinstva. «Vyjaŭlenčaje mastactva ŭvajšło ŭ maju dušu z malunkaŭ, knižnych ilustracyj, — śviedčyć Vasil Uładzimiravič u miemuarnaj knizie «Doŭhaja daroha dadomu». — Asabliva zachaplali hraviury ŭ starych knihach Žula Vierna dy inšych».
U 1939 hodzie, paśla skančeńnia 8 kłasaŭ Kublickaj siaredniaj škoły, Vasil Bykaŭ pastupiŭ u Viciebskaje mastackaje vučylišča. Adnak uvosień 1940 hoda, u suviazi z paharšeńniem materyjalnaha stanovišča siamji i admienaj dziaržaŭnych stypiendyj, vymušany byŭ pakinuć vučobu. Paśla demabilizacyi ŭ 1947-m Bykaŭ pryjechaŭ u Minsk, dzie znoŭ płanavaŭ pastupić u mastackaje vučylišča. Ale ŭ vyniku patrapiŭ u Hrodna, dzie niekatory čas pracavaŭ u mastackich majsterniach.
Mastackija praktykavańni, jakija Bykaŭ iranična nazyvaŭ «mastacki zud», byli jaho pažyćciovym zachapleńniem. Adnak pra heta viedali tolki rodnyja dy blizkija siabry.
Na vystavie «Vasil Bykaŭ. Praz abrysy i linii» buduć pradstaŭleny vobrazy rodnych ź dziacinstva miaścin, uspaminy pra vajnu, žyćciovyja ŭražańni, pryjemnyja i nie vielmi pryjemnyja vypadki z ułasnaha žyćcia, samairaničnyja nakidy.
Vystava budzie pracavać da 13 listapada.
- Data: 29 vieraśnia.
- Čas: 17:00.
- Miesca: Viciebsk, v. Marka Šahała, 5a.
Valancina Matvijenka pavinšavała Łukašenku z dniom narodzinaŭ cytataj Vasila Bykava
Ukrainski piśmieńnik: Ci pavinien Vasil Bykaŭ adkazvać pierad ukraincami za Łukašenku?
U Teatry junaha hledača, jaki ŭznačaliła žonka Makieja, staviać Bykava pa-rusku
«Katu pieradavaŭ pryvitańnie Vasil Bykaŭ» — u śviet vyjšła kniha Ryhora Baradulina «U kata Mirona čornaja karona»
Kamientary