Nahorny Karabach pakinuła ŭžo bolš za pałovu armianskaha nasielnictva
Z Nahornaha Karabacha ŭ susiedniuju Armieniju pierabrałasia ŭžo bolš za 65 tysiač čałaviek, paśla taho jak Azierbajdžan na minułym tydni atrymaŭ chutkuju pieramohu nad sieparatystami, piša Deutsche Welle.
Užo bolš za pałovu 120-tysiačnaha armianskaha nasielnictva niepryznanaj Nahorna-Karabachskaj Respubliki pakinuli rehijon i pierabralisia ŭ Armieniju.
Na siońnia miažu z Armienijaj pierasiekli 65 036 čałaviek z Nahornaha Karabacha, paviedamiŭ u čaćvier, 28 vieraśnia, pradstaŭnik premjer-ministra Armienii Nikoła Pašyniana.
Miž tym Dziarždepartamient ZŠA paviedamiŭ, što Vašynhton razam z sajuźnikami i partniorami pracuje nad stvareńniem mižnarodnaj manitorynhavaj misii ŭ Nahornym Karabachu, paśla taho jak hety separatyscki rehijon pierajšoŭ pad kantrol Azierbajdžana.
Pradstaŭnik Dziarždepa Mećju Miler skazaŭ žurnalistam, što Rasija časam ablahčała praviadzieńnie adpaviednych pieramoŭ, što było vielmi karysna, ale ŭ apošni tydzień rola Maskvy nie była pradukcyjnaj.
Siońnia prezident Narodnaha Karabacha padpisaŭ ukaz ab spynieńni isnavańnia ŭtvareńnia. Zhodna z ukazam Samvieła Šachramaniana, Nahorna-Karabachskaja Respublika spynić svajo isnavańnie 1 studzienia 2024 hoda. Usie dziaržustanovy NKR buduć raspuščanyja.
Prezident Nahornaha Karabacha padpisaŭ ukaz ab spynieńni isnavańnia ŭtvareńnia
Azierbajdžan zatrymaŭ eks-kiraŭnika Nahornaha Karabacha
Mafijoznyja schiemy i pryviazanaść da Rasii. Jak Nahorny Karabach staŭ šeraj zonaj armianskaj palityki i što budzie ciapier
Što takoje Nahorny Karabach i što armianie z azierbajdžancami tam dzielać
Nahorny Karabach pryniaŭ rašeńnie ab kapitulacyi
Kamientary