Baranavickaha piensijaniera asudzili za łajk pad publikacyjaj pra Łukašenku
Sud Baranavickaha rajona i Baranavičaŭ vynies prysud Ivanu Norku, abvinavaciŭšy jaho ŭ paklopie na Łukašenku pavodle č. 2 art. 367 Kryminalnaha kodeksa. Sudovy praces adbyŭsia jašče 22 žniŭnia i prachodziŭ u vyjaznym pasiadžeńni ŭ budynku adnaho ź miascovych ŽESaŭ. Sudździa — Mikałaj Kmita.
65-hadovaha Ivana Norku zatrymali i źmiaścili pad vartu 10 lipienia, praz troje sutak pieraviali pad chatni aryšt, paviedamlaje «Bieraściejskaja viasna».
Pa materyjałach abvinavačańnia, Norka ŭ «Adnakłaśnikach» adznačyŭ padabajkaj niekuju publikacyju. Adnak ekśpiertyza vyjaviła ŭ joj nibyta niepraŭdzivyja źviestki ab tym, što Alaksandr Łukašenka datyčny da złačynstvaŭ troch vidaŭ («akt teraryzmu», «zabojstva», «pieravyšeńnie ŭłady abo słužbovych paŭnamoctvaŭ»).
Sudździa Mikałaj Kmita prysudziŭ piensijanieru ź invalidnaściu paŭtara hoda «chatniaj chimii».
Ciapier čytajuć
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym88
Kamientary