Adnapaviarchovy budynak byŭ uźviedzieny ŭ 1979 hodzie. Jaho płošča składaje 315 kvadratnych mietraŭ, a ziamielny ŭčastak zajmaje 1,46 hiektara, piša Blizko.by.
U apisańni łota praktyčna niama dadatkovaj infarmacyi, adnak adznačajecca, što abjekt nie maje abciažarvańniaŭ. Heta aznačaje, što novy ŭładalnik zmoža vykarystoŭvać jaho jak choča, aby ŭ adpaviednaści z zakanadaŭstvam.
Miarkujučy pa apublikavanych fotazdymkach, techničnyja pamiaškańni aŭtastancyi patrabujuć pryviadzieńnia da ładu: unutry nazapasiłasia šmat niepatrebnych rečaŭ i śmiećcia.
Pačatkovy košt łota składaje 249 600 rubloŭ. Krok tarhoŭ — 10 pracentaŭ. Akramia taho, pieramožca aŭkcyjonu pavinien vypłacić arhanizataru ŭznaharodžańnie ŭ pamiery 4 pracentaŭ ad kančatkovaha koštu prodažu.
Takim čynam, minimalnaja suma, za jakuju možna nabyć aŭtastancyju, składaje kala 285 542 rubloŭ, što adpaviadaje prykładna 101 tysiačy dalaraŭ ZŠA pavodle aktualnaha kursu.
Budynki vakzałaŭ i aŭtastancyj niačasta traplajuć na aŭkcyjony ŭ Biełarusi, adnak padobnyja vypadki ŭsio ž zdarajucca. Raniej na tarhi ŭžo vystaŭlali pryharadny čyhunačny vakzał u Viciebsku, budynak čyhunačnaj stancyi ŭ vioscy Kirjanaŭcy Lidskaha rajona, a taksama byłuju aŭtakasu ŭ pasiołku Ilja Vilejskaha rajona. Paśla prodažu apošniaj budynak pačali ramantavać, ale funkcyi absłuhoŭvańnia pasažyraŭ jon užo nie vykonvaje.
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary