Vystavili na prodaž jašče niekalki abrazoŭ, aryštavanych u ksiandza Hienrycha Akałatoviča
U Biełarusi na dziaržaŭny aŭkcyjon vystavili jašče niekalki aryštavanych abrazoŭ, dzie daŭžnikom paznačany Akałatovič Hienadź Uładzisłavavič. Havorka idzie pra majomaść katalickaha śviatara Hienrycha Akałatoviča, u jakoha ŭłady praciahvajuć raspradavać majomaść dla pahašeńnia «nibyta daŭhoŭ» paśla jaho vyzvaleńnia i vymušanaha vyjezdu ź Biełarusi, piša «Chryścijanskaja vizija».
Siarod novych łotaŭ — abraz «Vialikamučanica Paraskieva Piatnica» XIX — pačatku XX stahodździa z Homielska-Čarnihaŭskaha rehijona. Pačatkovaja cana — 700 BYN. U apisańni paznačana kankretna, što heta pomnik narodnaj mastackaj kultury i abjekt kulturnaj spadčyny.
Taksama vystaŭleny abraz «Baharodzica Troch Radaściaŭ» kanca XIX — pačatku XX stahodździa z pačatkovaj canoj 500 BYN. Jana taksama adniesienaja da narodnaj ikanapisnaj tradycyi Homielska-Čarnihaŭskaha rehijona i maje histaryčnaje značeńnie.
Akramia taho, paŭtorna vystaŭleny abraz «Uvaskresieńnie Chrysta z truny» druhoj pałovy — kanca XVIII stahodździa. Raniej jaho pačatkovaja cana składała 4 000 BYN, ciapier łot vystaŭleny ŭžo za 3 200 BYN. U kartcy havorycca, što heta jeŭrapiejski varyjant siužeta «Uvaskresieńnie Chrysta», vierahodna stvorany dla śviatočnaha rada ikanastasa, i što abraz maje histaryčnaje i mastackaje značeńnie.
Raniej u ksiandza Akałatoviča ŭžo aryštavali i vystaŭlali na prodaž aŭtamabil, ziamielny ŭčastak i staradaŭnija ikony.
Aryštavany ŭčastak ksiandza Akałatoviča za try aŭkcyjony nichto nie kupiŭ
Aryštavanyja ŭ ksiandza Hienrycha Akałatoviča staradaŭnija ikony vyvieźli ŭ Nacyjanalny mastacki muziej i vystavili na aŭkcyjon
U ksiandza Hienrycha Akałatoviča aryštoŭvajuć i pradajuć majomaść
Što adbyvajecca z vyzvalenymi katalickimi śviatarami i čamu jany maŭčać
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary