Biełaruś paprasiła dasłać joj iranskija leki — Ministerstva achovy zdaroŭja Irana
«Damovilisia ab sumiesnaj vytvorčaści lekaŭ i miedycynskaha abstalavańnia».
Biełaruś i Iran damovilisia ab sumiesnym supracoŭnictvie ŭ halinie miedycyny i sumiesnaj vytvorčaści lekaŭ. Pra heta 16 kastryčnika paviedamiŭ ministr achovy zdaroŭja Irana Bachram Ejnapłachi, pieradaje iranskaje ahienctva IRNA.
Toj adznačyŭ, što Biełaruś paprasiła impartavać ź Irana «niekatoryja farmaceŭtyčnyja pradukty», a taksama vykazała hatoŭnaść spraścić u siabie rehistracyju iranskich lekaŭ i miedycynskaha abstalavańnia.
«Biełaruś paprasiła ŭ nas niekatoryja farmaceŭtyčnyja pradukty, i ŭ hetych adnosinach my pačniem maksimalnaje supracoŭnictva. Adnak abjom vytvorčaści hetych niekatorych lekaŭ moža akazacca niedastatkovym dla ekspartu ŭ inšyja krainy», — adznačyŭ ministr achovy zdaroŭja Irana ahienctvu IRNA.
Nahadajem, što niadaŭna pra niedachop lekaŭ u špitalach Biełarusi pisała «Radyjo Svaboda». Adbyvajecca heta ŭ pieršuju čarhu z-za ekanamičnych sankcyj, adznačyli «Svabodzie» niekatoryja pacyjenty i doktar z 20-hadovym stažam, jaki pracuje ŭ adnoj ź biełaruskich ustanoŭ achovy zdaroŭja.
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary