Škoła pracuje jak niefarmalny adukacyjny prajekt dla maładych litarataraŭ. Na praktyčnych zaniatkach z pastajannymi vykładčykami, lekcyjach i majstar-kłasach zaprošanych navukoŭcaŭ i aŭtaraŭ maładyja, apantanyja litaraturaj ludzi vučacca čytać, pisać, a taksama słuchać siabie dy inšych.
Sioletnija vykładčyki škoły — Uljana Vieryna, Viktar Žybul, Maryna Kazłoŭskaja, Andrej Chadanovič — litaratary, piedahohi, daśledčyki i navukoŭcy sa šmathadovym vopytam tvorčaj pracy, piša bellit.info.
Jany daduć vam asnovy teoryi prozy, paezii i paetyčnaha pierakładu; mietodyka vykładańnia stavić akcent na kamunikacyi i ŭzajemnym abmierkavańni vašych tekstaŭ z kalehami. Akramia asnoŭnaha kursa, navučencaŭ čakajuć majstar-kłasy i śpieckursy ad biełaruskich litarataraŭ.
Navučańnie ŭ ŠMP praciahvajecca ź listapada 2023 h. da traŭnia 2024 h., zaniatki buduć prachodzić pa subotach. Navučańnie — biaspłatnaje, dystancyjnaje, vočnaje — on-line sustrečy. Tamu kraina vašaha pražyvańnia nie stanie pieraškodaj — pišycie!
Praviły afarmleńnia zajaŭki
Pažadany ŭzrost udzielnikaŭ i ŭdzielnic — da 35 hadoŭ.
Zajaŭka pavinna ŭklučać:
- 1) ułasny mastacki tvor luboha žanru (paezija, proza, ese), albo frahmient tvora, na biełaruskaj albo ruskaj movie abjomam 2-5 staronak;
- 2) matyvacyjny list z adkazam na pytańnie, čamu vy chočacie pastupić u Škołu maładoha piśmieńnika;
- 3) śpis z 5-10 knih, jakija na vas paŭpłyvali najbolš.
Vašyja ŭzory tvoraŭ, matyvacyjny list i śpis knih dasyłajcie na paštovuju skryniu bellit.info@gmail.com razam adnym fajłam u farmacie.doc (.docx).
Tema elektronnaha lista: Škoła 2023-2024
Na pieršaj staroncy fajła abaviazkova paznačcie svajo imia i proźvišča, datu naradžeńnia, e-mail i najlepšy sposab suviazi.
Fajł nazavicie łacinkaj nastupnym čynam ― «vašaje proźvišča, nižniaje padkreślivańnie, vašaje imia», naprykład: Kupala_Janka.doc
Zajaŭki nie recenzujucca. Pryjom pavodle konkursu, kolkaść miescaŭ abmiežavanaja, adbor pretendentaŭ adbyvajecca pavodle matyvacyjnych listoŭ i ŭzoru tvoraŭ. Pra vyniki pryjomnaj kampanii budzie paviedamlena ŭ paštovaj rassyłcy na adrasy, padadzienyja ŭ zajaŭkach.
Dedłajn dasyłki zajavak — 28 kastryčnika. Padviadzieńnie vynikaŭ — 1 listapada.
Zaličanyja na kurs Škoły atrymajuć listy z paćvierdžańniem zaličeńnia na e-mail.
Ciapier čytajuć
Vylecieła ŭ nieviadomym kirunku śpikierka KR Anžalika Mielnikava30
Kamientary