U Minskim haradskim sudzie było abvieščana rašeńnie pra likvidacyju carkvy «Novaje žyćcio». Pastar Viačasłaŭ Hančarenka padziakavaŭ usim za malitvy i prasiŭ praciahvać ich: «Idziom za Isusam, staim u viery», paviedamlaje «Chryścijanskaja vizija».
Historyja supraćstajańnia ŭładaŭ i carkvy ciahnułasia z 2005 hoda: mienavita tady horad vyrašyŭ vysielić «Novaje žyćcio» z budynka ŭ Sucharavie, adramantavanaha jašče ŭ 1992 hodzie na miescy karoŭnika.
Pavodle źmien, što byli ŭniesienyja ŭ prajekt detalovaha płanavańnia Sucharava, uchvalenaha ŭ 2019 hodzie, na miescy carkvy pavinna vyraści škoła.
U 2020-m pastar «Novaha žyćcia» rezka asudziŭ biezzakońnie i źvierstvy.
Cisk na viernikaŭ, jakija, na dumku haradskich uładaŭ, pavinny terminova i nazaŭždy pakinuć budynak, uzmacniŭsia ŭ pačatku 2021 hoda.
17 lutaha 2021 hoda sudovyja vykanaŭcy ŭvajšli ŭ carkvu ŭ supravadžeńni milicyi, apisali majomaść. U budynku ŭ toj čas išła malitva. Prychadžanie, kab paźbiehnuć aryštaŭ, vymušanyja byli pakinuć carkvu. Vierniki doŭhi čas malilisia pobač z carkvoj.
Kamientary