У Мінскім гарадскім судзе было абвешчана рашэнне пра ліквідацыю царквы «Новае жыццё». Пастар Вячаслаў Ганчарэнка падзякаваў усім за малітвы і прасіў працягваць іх: «Ідзём за Ісусам, стаім у веры», паведамляе «Хрысціянская візія».
Гісторыя супрацьстаяння ўладаў і царквы цягнулася з 2005 года: менавіта тады горад вырашыў выселіць «Новае жыццё» з будынка ў Сухараве, адрамантаванага яшчэ ў 1992 годзе на месцы кароўніка.
Паводле змен, што былі ўнесеныя ў праект дэталёвага планавання Сухарава, ухваленага ў 2019 годзе, на месцы царквы павінна вырасці школа.
У 2020-м пастар «Новага жыцця» рэзка асудзіў беззаконне і зверствы.
Ціск на вернікаў, якія, на думку гарадскіх уладаў, павінны тэрмінова і назаўжды пакінуць будынак, узмацніўся ў пачатку 2021 года.
17 лютага 2021 года судовыя выканаўцы ўвайшлі ў царкву ў суправаджэнні міліцыі, апісалі маёмасць. У будынку ў той час ішла малітва. Прыхаджане, каб пазбегнуць арыштаў, вымушаныя былі пакінуць царкву. Вернікі доўгі час маліліся побач з царквой.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары