Paśla vybuchu ŭ balnicy ŭ Hazie Iardanija admianiła čatyrochbakovy samit z udziełam Džo Bajdena
Samit pavinien byŭ adbycca 18 kastryčnika ŭ stalicy Iardanii Amanie.
Na sustrečy pavinny byli prysutničać prezident ZŠA Džo Bajden, karol Iardanii Abdała II, prezident Jehipta Abdel-Fatach as-Sisi i kiraŭnik paleścinskaj administracyi Machmud Abas.
Apošni raniej admoviŭsia ad sustrečy ź lidaram ZŠA paśla navin ab udary pa špitali ŭ siektary Haza.
Armija Izraila zajaviła, što dadatkovaja pravierka pakazała, što izrailskija vajskoŭcy nie nanosili ŭdaru pa špitali ŭ Hazie. MZS krainy apublikavała videa z tranślacyi kanała Al Jazeera, na jakim, jak śćviardžajecca, zapuščanaja ź siektara Haza rakieta daje asiečku i papadaje ŭ budynak balnicy, zabiŭšy sotni ludziej.
U Rasii svaje vinavatyja. Namieśnik staršyni Rady biaśpieki RF Dźmitryj Miadźviedzieŭ uskłaŭ adkaznaść za toje, što adbyłosia, na ZŠA i nazvaŭ heta vajennym złačynstvam.
Kamientary