Dron, jaki zalacieŭ z Polščy ŭ Litvu i vybuchnuŭ tam, byŭ ukrainskim
Premjer-ministr Litvy Mindaŭhas Sinkiavičus zajaviŭ, što bieśpiłotnik, jaki zalacieŭ na terytoryju krainy 18 kastryčnika, prylacieŭ z Polščy i byŭ abstalavany bajavym zaradam. Pavodle jaho słoŭ, u hetym niama sumnievaŭ. Dron byŭ ukrainskim, piša Delfi.lt.
Incydent adbyŭsia ŭ niadzielu. U Paniaviežskim i Šaŭlajskim pavietach abviaścili čyrvony ŭzrovień pavietranaj tryvohi. Litoŭskija vajskoŭcy paviedamili, što abłomki bieśpiłotnika znajšli ŭ vioscy Juadžonis. Jany paškodzili aŭtamabil, jaki prajazdžaŭ pobač, ale ludzi ŭ mašynie nie paciarpieli.
Sinkiavičus patłumačyŭ, što hety vypadak adroźnivaŭsia ad papiarednich vypadkaŭ vyjaŭleńnia dronaŭ u Litvie, bo bieśpiłotnik pierasiok miažu z Polščaj, jakaja ŭvachodzić u Šenhienskuju zonu. Źniščalniki ŭźlacieli i adsočvali abjekt, ale praź niespryjalnyja ŭmovy nadvorja nie zmahli ŭbačyć jaho vizualna. Pryčyny padzieńnia i vybuchu drona vyśviatlajucca: śledčyja praviarajuć, ci sutyknuŭsia jon ź ziamloj abo drevam.
Taksama na hetym pasiadžeńni Kamiteta nacyjanalnaj biaśpieki Litvy abmiarkoŭvali načnuju sprobu padpalić abstalavańnie Starlink. Jak paviedamiŭ premjer-ministr Litvy, incydent adbyŭsia na terytoryi kampanii Delska Lithuania ŭ Vilni, u rajonie Vierchnija Panary. Tam zachoŭvałasia abstalavańnie Starlink.
Pa słovach Sinkiavičusa, złamyśniki vykarystali zapalnuju sumieś i «kaktejli Mołatava», kab učynić pažar. Ahoń svoječasova zaŭvažyŭ achoŭnik, jaki pačaŭ jaho tušyć i vyklikaŭ pažarnikaŭ. Anteny nie zaharelisia, tolki krychu abhareŭ błok kiravańnia. Da pryjezdu ratavalnikaŭ ich dapamoha ŭžo nie spatrebiłasia. Rasśledavańnie praciahvajecca, padazravanyja pakul nie vyznačanyja, ich aktyŭna šukajuć.
Sinkiavičus i kiraŭnik Nacyjanalnaha centra kiravańnia kryzisami Viłmantas Vitkaŭskas źviazali hetyja padziei z hibrydnaj dziejnaściu Rasii ŭ rehijonie, nakiravanaj, pavodle ich acenki, na toje, kab paŭpłyvać na pośpiech ukrainskich apieracyj. Premjer nazvaŭ padpał dyviersijaj.
Paśla incydentu ŭłady ŭzmacnili achovu abjektaŭ krytyčnaj infrastruktury. Pavodle Sinkiavičusa, asablivyja miery biaśpieki ciapier dziejničajuć na 15 takich abjektach. Taksama abmiarkoŭvałasia, jak palepšyć infarmavańnie i abaronu kampanij, źviazanych z abaronnaj pramysłovaściu.
Premjer dadaŭ, što pradstaŭnikoŭ Delska Lithuania jašče ŭ piatnicu papiaredzili pra nieabchodnaść uzmacnić achovu. Heta adbyłosia niezadoŭha da sproby padpału.
Ciapier čytajuć
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam2
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ55
Kamientary