Delehacyja Abchazii na daručeńnie prezidenta hetaha niepryznanaha rehijona Asłana Bžanija prybyła ŭ stalicu Biełarusi, dzie voźmie ŭdzieł u mižviedamasnych kansultacyjach, paviedamlaje «Sputnik Abchazija».
U abchazskuju delehacyju ŭvachodziać kiraŭniki MZS, MUS, Ministerstva achovy zdaroŭja, MNS, Minkultury, administracyi Suchumi i Dziaržkamiteta pa spravach moładzi i sportu.
Udzielniki delehacyi ŭžo sustrelisia ŭ Minsku z kiraŭnikom aparatu Saŭmina Kanstancinam Burakom. Taksama jany praviaduć rabočyja sustrečy z kiraŭnikami profilnych viedamstvaŭ z metaj vypracoŭki halinovych dvuchbakovych prajektaŭ.
Raniej pra toje, što Minsk naviedaje z rabočym vizitam delehacyja z Abchazii, paviedamiŭ Asłan Bžanija. Na pres-kanfierencyi jon adznačyŭ, što kazać pra toje, što Biełaruś hatovaja pryznać Abchaziju, pakul rana, ale viadziecca praca ŭ hetym kirunku.
«Sam fakt ustanaŭleńnia kantaktaŭ pamiž kiraŭnikami dziaržaŭ i viedamstvaŭ — heta ŭžo surjoznaje dasiahnieńnie», — padkreśliŭ tady Bžanija.
Jon taksama zajaviŭ, što apošnim časam «hetyja kantakty nosiać amal rehularny charaktar».
Łukašenka naviedvaŭ Abchaziju ŭ vieraśni minułaha hoda.
-
Francuzski hihant mabilnych hulniaŭ Voodoo abvinavaciŭ biełaruskuju SayGames u kapijavańni mabilnaj hulni — i znoŭ prajhraŭ
-
Biełarusy za miažoju znajšli prymianieńnie niadziejnamu biełaruskamu pašpartu
-
Cieła zabitaj u Izraili 31‑hadovaj Janiny pachavali ŭ Biełarusi. Jaje maci sprabuje zabrać maleńkaha ŭnuka
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy12
Kamientary