Litva ŭzmocnić kantrol za ekspartam u Biełaruś, kab supraćstajać abychodu sankcyj
Mytnaja słužba Litvy zrobić bolš strohaj pravierku tavaraŭ, jakija adpraŭlajucca ŭ Biełaruś. Takoje paviedamleńnie źjaviłasia na aficyjnym sajcie viedamstva. Z kožnaj partyi tavaraŭ buduć adbiracca proby, jakija pravierać až da analizu ŭ łabaratoryi.
Niekatoryja hruzy, jakija ekspartujucca ŭ Biełaruś, aformlenyja niekarektna, zajavili ŭ słužbie.
Pieravozčyki kłasifikujuć ich tak, kab jany nie padpadali pad sankcyjnyja śpisy, i fakty padobnych parušeńniaŭ vyjaŭlalisia mytnikami.
Z-za hetaha kožnaja pazicyja zaraz budzie praviaracca pa miascovaj kambinavanaj namienkłatury. U asablivych vypadkach prymieniać navat łabaratornyja daśledavańni, kab dakładna vyznačyć tavar. Hetaja miera zamarudzić afarmleńnie hruzaŭ.
Kab paskoryć nadhlad, u viedamstvie rekamiendujuć dekłaravać svoj hruz maksimalna kankretna. Varta padrabiazna jaho apisvać, kab u mytni nie ŭźnikła pytańniaŭ adnosna jahonych ułaścivaściaŭ. Taksama abaviazkovaja najaŭnaść dakumientaŭ, jakija paćviardžajuć apisanaje ŭ zajaŭcy.
Takija ž abmiežavańni byli nakładzienyja na tavary, jakija iduć u Rasiju.
«Najbolšy ŭkład u nahniatańnie robiać ludzi, jakich padazrajuć u supracoŭnictvie sa śpiecsłužbami. Naprykład, Karač ci Capkała»
Kamitet siejma Litvy pa biaśpiecy vykazaŭsia suprać pavieličeńnia dla biełarusaŭ terminu dziejańnia humanitarnych DNŽ
Łukašenkaŭskaha dypłamata vyklikali ŭ MZS Litvy z-za pahroz režymnaha hienierała
Kamientary