U haradach Rasii adnavili nabor u ČVK Vahniera — jak u novaje padraździaleńnie Rashvardyi. Kiruje im syn Pryhožyna
Hrupa Vahniera adnaviła nabor bajcoŭ u Piermi i Novasibirsku, piša «Mieduza» sa spasyłkaju na rehijanalnyja vydańni.
Pradstaŭnik PVK «Vahnier» u Piermi raspavioŭ, što hrupa stała padraździaleńniem Rashvardyi, im kiruje Pavieł Pryhožyn, syn zasnavalnika PVK «Vahnier» Jaŭhiena Pryhožyna i jaho adziny spadčyńnik.
«Nabirajem tych, chto ŭžo maje bajavy vopyt, u tym liku ŭžo ŭvachodziŭ u skład PVK», — raspavioŭ surazmoŭca vydańniu 59.ru. Pavodle jaho słoŭ, apłata składzie ad 80 tysiač da 240 tysiač rasijskich rubloŭ u zaležnaści ad miesca, dzie buduć słužyć najmity. Termin kantrakta — ad šaści miesiacaŭ.
Krynica Ngs.ru ŭ novasibirskim ofisie hrupy Vahniera paviedamiła 1 listapada, što nabor viadziecca ŭžo «dva-try dni». Pavodle jaho słoŭ, «pakul sudzimych, chvorych nie biaruć».
Pieršyja paviedamleńni ab tym, što PVK adnaŭlaje nabor, zjavilisia 27-28 kastryčnika ŭ telehram-kanałach, źviazanych z hrupaj, a taksama ŭ čatach svajakoŭ bajcoŭ PVK.
Jak pisali «Važnyja historyi», nabor adkryli dla tych, chto raniej nie ŭdzielničaŭ u vajnie va Ukrainie, a taksama ludziej, jakija nie słužyli ŭ vojsku, i ludziej ź VIČ i hiepatytam.
U telehram-kanałach, źviazanych z PVK, adznačajuć, što ŭ hrupu nie stanuć prymać byłych najmitaŭ, jakija pierajšli paśla miaciažu Pryhožyna ŭ Minabarony RF.
Viarboŭščyk PVK kazaŭ «Važnym historyjam», što pradstaŭlaje «adziny atrad, u jakoha jość aficyjny dahavor z Rashvardyjaj. Pa danych vydańnia, pieramovy ab pierachodzie najmitaŭ u Rashvardyju viali Pavieł Pryhožyn i kamandzir PVK Vahniera Anton (Łotas) Jelizaraŭ.
Dziaržduma 17 kastryčnika pryniała ŭ pieršym čytańni zakonaprajekt, jaki dazvalaje Rashvardyi stvarać «dobraachvotnickija farmiravańni». ŚMI dapuskali, što ŭ skład «dobraachvotnickich farmavańniaŭ» Rashvardyi mohuć ulicca najmity PVK «Vahnier». Adzin z aŭtaraŭ zakonaprajekta, deputat Alaksandr Chinštejn śćviardžaŭ, što dakumient «nie maje ničoha ahulnaha» ź infarmacyjaj ab pieravodzie byłych padraździaleńniaŭ PVK «Vahnier» u skład Rashvardyi.
-
Pucin zapatrabavaŭ ad Ukrainy pryznać «refierendumy» na akupavanych terytoryjach i admovicca ad ustupleńnia ŭ «lubyja zamiežnyja sajuzy»
-
«Značyć, ja šmat dobraha zrabiła». Za što rasijskuju vałanciorku Nadzin Hiejśler, jakaja dapamahała ŭkraincam, pryhavaryli da 22 hadoŭ kałonii
-
Kiraŭnik paleścinskaha padraździaleńnia KVIR zabity ŭ kvatery ŭ Iranie
Ciapier čytajuć
Łukašenka sustrakajecca sa śpiecpasłańnikam Trampa Kitam Kiełaham1
Kamientary