Na naradzie ŭ Łukašenki abmiarkoŭvajecca pytańnie stvareńnia vajskovych prakuratur
Alaksandr Łukašenka sabraŭ siońnia vialikuju naradu pa pytańni stvareńnia vajskovych prakuratur, piša BiełTA.
«Tema siońniašniaha mierapryjemstva — vajskovaja prakuratura. Nie budu charaktaryzavać abstanoŭku ŭ śviecie: vy vydatna jaje viedajecie. Prosta nahadaju, što ŭ 2014 hodzie było pryniata rašeńnie ab likvidacyi sistemy vajskovych prakuratur», — skazaŭ Alaksandr Łukašenka.
Paŭnamoctvy pa nahladzie za vykanańniem zakanadaŭstva va Uzbrojenych siłach, inšych vojskach i voinskich farmiravańniach Biełarusi pieradali hramadzianskim orhanam prakuratury.
«Paŭstaje zakanamiernaje pytańnie: a ciapier abstanoŭka ŭ hetych abłaściach źmianiłasia? Musić. Paŭstaje pytańnie: nastolki źmianiłasia, što nam treba stvarać vajskovyja prakuratury? — spytaŭ jon. — Pytańnie hałoŭnaje siońnia: treba ci nie treba adnaŭlać sistemu prakurorskaha nahladu, jakaja była da 2014 hoda».
U naradzie biaruć udzieł bolš za dziasiatak hienierałaŭ: kiraŭnik Administracyi Ihar Sierhiejenka, sakratar Rady biaśpieki Alaksandr Volfavič, jaho namieśnik Alaksandr Rachmanaŭ, hienprakuror Andrej Švied, staršynia SK Dźmitryj Hora, ministr unutranych spraŭ Ivan Kubrakoŭ, jaho namieśnik — kiraŭnik unutranych vojsk Mikałaj Karpiankoŭ, staršynia KDB Ivan Cierciel, staršynia Pamiežnaha kamiteta Dźmitryj Mołastaŭ, ministr abarony Viktar Chrenin, staršynia Viarchoŭnaha suda Valancin Sukała, kiraŭnik AAC Andrej Paŭlučenka.
-
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu
-
«Dumali, bandyty, akazałasia — palicyja». Udzielniki pierastrełki ŭ Polščy raskazali svaju viersiju, ale pytańniaŭ mienš nie stała
-
Z-za školnaj party — u namiot na 15 čałaviek. Jak staršakłaśnikaŭ buduć prymusova rychtavać da słužby
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu2
Kamientary