Siłaviki patłumačyli, čamu zacikavilisia papularnymi błohierami
HUBAZiK u svaim kanale adreahavaŭ na naviny pra vizity siłavikoŭ da Hanny Bond, Łarysy Hrybalovaj i Dzianisa Kurjana.
Kanał HUBAZiKa napisaŭ, što «ŭsie na voli ź vidavočnaj umovaj, jakuju nie mnohija zaŭvažyli».
Što heta za ŭmova? Łukašyscki ananimny kanał «Hrafač», na jaki spasłalisia siłaviki, tłumačyć (post źjaviŭsia 1 listapada):
«Usie vychodziać na volu. Voś tolki, kali ŭvažliva pryhledziecca da źmiestu insty dadzienych dziŭ (majucca na ŭvazie Hrybalova i Bond. — NN), adtul vidavočna źnikli pasty z rekłamnaj intehracyjaj ad usialakich A1, «Jeŭraoptaŭ» i h.d.
Supadzieńnie? Nie dumaju. Mnohich ža mienavita heta aburała? Niabiednaje rekłamnaje isnavańnie ŭ svaim zakrytym śvieciku nieadnaznačnych piersanažaŭ, navat za košt dziaržpradpryjemstvaŭ.
I sadžać nikoha nie źbirajucca, prosta abrazajuć finansavańnie.
Ale ja b nie siek ź plača, prybraŭšy tolki liški, pakazvajučy pravilny šlach.
Mabyć, pryjšoŭ čas vyznačycca z pryjarytetami, vykazać pazicyju ŭ svajoj častcy biez usialakich ekivokaŭ.
Być tvaram navat z namiokam na ekstremisckuju pazicyju, vierahodna, stanie vielmi ekanamična niavyhadna».
«A naohuł: padtrymaŭ masavyja biesparadki — zabudźsia ab dachodach z rekłamy, tym bolš ad dziaržaŭnych struktur. Usio. Ni bolš ni mienš», — adznačyli siłaviki ŭ svaim kanale. I dadali, što heta jašče miakki varyjant nastupstvaŭ.
Raniej «Naša Niva» sa spasyłkaj na svaje krynicy pisała, što błohieram sprabujuć faktyčna zabaranić zajmacca prafiesijaj — patrabujuć spynić miedyjnuju aktyŭnaść i nie brać rekłamu.
Ciapier čytajuć
Minski haradski sud nie vytrymlivaje nahruzki — nie paśpiavajuć sudzić palitviaźniaŭ5
Kamientary
Kstati, hubopik i jesť chamas russkoho mira Rośsii v Biełarusi.
I da, niet raźličija mieždu radikalnym, isłamskim chamasom v Izraile i takim žie "pravosłavnym" chamasom moskovskoj ciekrkvi, v licie hubopika, v Biełarusi. I idieołohija pochožaja, i priestuplenija na odno lico.
Kstati, i avuary s faziendami, rukovodstvo chamasa Izraila i rukovodstvo skotnym dvorom, v vidie chamasa russkoho mira v Biełarusi, chraniat v odnich i tiech žie miestach, v OAE.