«Vykarystańnie palaŭničych u jakaści mahčymaha snajpierskaha prykryćcia». Šunievič znajšoŭ u svaich padnačalenych novy patencyjał
U Biełarusi razhladajecca mahčymaść prymianieńnia navykaŭ, ekipiroŭki, techniki i zbroi palaŭničych u intaresach terytaryjalnaj abarony. Pra heta ŭ efiry telekanała ANT zajaviŭ staršynia Biełaruskaha tavarystva palaŭničych i rybałovaŭ Ihar Šunievič.
«Razhladajecca mahčymaść prymianieńnia našych viedaŭ i navykaŭ, u tym liku i ekipiroŭki, i techniki, zbroi ŭ intaresach terytaryjalnaj abarony. Nie apałčeńnia, a mienavita terytaryjalnaj abarony,
pakolki heta bolš śpiecyjalizavanaje i vuzka zatočanaje vajskovaje farmiravańnie sa śpiecyfičnymi zadačami, napeŭna, bolš surjoznymi mahčymaściami, čym narodnaje apałčeńnie», — zajaviŭ jon.
«I ŭ pieršuju čarhu, viadoma ž, u maim razumieńni, jakoje adpaviadaje razumieńniu vajskovaha kiraŭnictva dziaržavy, — heta vykarystańnie palaŭničych u jakaści mahčymaha snajpierskaha prykryćcia.
Heta taksama moža być achova abjektaŭ, adbićcio napadaŭ dyviersijna-raźviedvalnych hrup i h. d. Heta šyroki śpiektr prymianieńnia, zychodziačy z tych navykaŭ, viedaŭ i ŭmieńniaŭ, jakija ŭ nas jość, i padrychtavanaści, biezumoŭna», — ličyć Šunievič.
Pavodle jaho infarmacyi, na rukach u nasielnictva Biełarusi znachodzicca kala 100 tysiač adzinak palaŭničaj zbroi.
Raniej Šunievič pa vynikach dakładu Łukašenku kazaŭ, što palaŭničyja majuć uvajści ŭ skład nie terytaryjalnaj abarony, a apałčeńnia, prytym sa svajoj zbrojaj.
Najbolš paśpiachovy ŭ katehoryi «aleń». Jakija palaŭničyja trafiei maje były ministr Šunievič i jaho žonka?
«Heta čałaviek, jaki nie baicca kryvi». Šunievič raspavioŭ, jak źbirajucca vykarystoŭvać palaŭničych
«Kolkaść miadźviedziaŭ hałapuje ŭ našaj krainie». Šunievič prapanavaŭ šlachi vyrašeńnia prablemy
Ihar Šunievič vyrašyŭ zasnavać arhanizacyju žančyn-palaŭničych
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary