Praŭnuk Bienita Musalini debiutavaŭ u hulniach za rymski «Łacya» na stadyjonie, jaki adkryvaŭ jahony pradzied
23‑hadovy abaronca Ramana Fłaryjani Musalini, praŭnuk italjanskaha dyktatara Bienita Musalini, debiutavaŭ za asnoŭnuju kamandu rymskaha «Łacya» ŭ matčy čempijanatu Italii suprać «Bałońji», piša Bi-bi-si.
Fłaryjani Musalini źjaŭlajecca vychavancam akademii «Łacya», ale apošnija dva hady hulaŭ u arendzie za inšyja italjanskija kłuby. U sustrečy z «Bałońjaj» jon vyjšaŭ na pole ŭžo na 19‑j chvilinie paśla zamieny partniora i paźniej atrymaŭ žoŭtuju kartku.
Jaho debiut atrymaŭsia simvaličnym: matč prachodziŭ na stadyjonie «Renata Dal'Ara» ŭ Bałońji, budaŭnictva jakoha sto hadoŭ tamu padtrymlivaŭ Bienita Musalini. U 1926 hodzie dyktatar asabista prysutničaŭ na ŭračystaściach, źviazanych z budaŭnictvam areny, a pieršy aficyjny matč tut adbyŭsia ŭ mai 1927 hoda.
Pieršapačatkova stadyjon nazyvaŭsia «Litaryjale» i byŭ častkaj maštabnaj spartyŭnaj palityki fašysckaha ŭrada. Paśla padzieńnia režymu jaho pierajmienavali, a ŭ 1983 hodzie arena atrymała ciapierašniuju nazvu ŭ honar šmathadovaha prezidenta «Bałońji» Renata Dal'Ara.
Ramana Fłaryjani Musalini raniej padkreślivaŭ, što jaho cikavić vyklučna futboł. Paśla adnaho z matčaŭ u 2024 hodzie ŭ ŚMI źjavilisia paviedamleńni pra fašysckija pryvitańni siarod zaŭziataraŭ paśla jaho hoła, ale kłub hetyja abvinavačańni rašuča adchiliŭ.
Bienita Musalini kiravaŭ fašysckaj Italijaj z 1922 da 1943 hoda i padčas Druhoj suśvietnaj vajny byŭ sajuźnikam Adolfa Hitlera. U 1945 hodzie italjanskija partyzany schapili jaho i pakarali śmierciu.
Miač, jakim Maradona zabiŭ na čempijanacie śvietu hoł rukoj, pradali za 3,3 miljona dalaraŭ
U Polščy žorstka zabili 36‑hadovaha futbolnaha fanata
U biełaruskaj vyšejšaj lizie ŭpieršyniu futbolny matč sudziła całkam žanočaja bryhada — histaryčnaja padzieja
UEFA i KANKAKAF abmiarkoŭvajuć stvareńnie sumiesnaj Lihi nacyj
Stała viadoma, dzie zbornaja Biełarusi praviadzie chatnija matčy Lihi nacyj
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
[Zredahavana]