U roznych haradach Biełarusi ŭžo pracuje 29 kram nizkich cen «Razumny vybar». Sietku raźvivaje kampanija «Librecik», jakaja zjaŭlajecca apierataram «Susiedziaŭ», źviarnuŭ uvahu OfficeLife.
Rytejler adkryŭ 29 kram «Razumny vybar» pa Biełarusi. Ź ich siem — u Minsku, piać — u Baranavičach, try — u Oršy, pa dźvie — u Viciebsku, Homieli, Žłobinie i Babrujsku, pa adnoj — u Słucku, Červieni, Lidzie, Lachavičach, Jelsku i Barani.
Jak praviła, heta nievialikija kramy farmatu «kala doma». U handlovych punktach možna nabyć «sotni tavaraŭ štodzionnaha popytu — miasnuju i małočnuju pradukcyju, śviežy chleb, harodninu, bakaleju i kansiervacyju», havorycca ŭ rekłamnych materyjałach.
«Razumny vybar» — heta adna ź pieršych ułasnych handlovych marak, pad jakoj stali pradavać pradukcyju ŭ supiermarkietach «Susiedzi».
Farmat kram nizkich cen u Biełarusi raźvivajuć rasijskija retejlery «Śvietofor» i «Dobrocien». U hetaj nišy pracujuć i biełaruskija apieratary. «Jeŭrahandal» stvaraje dyskaŭntary «Hrošyk» i «Chit!», «Dabranom» — «Kapieječku», «Biełkaapsajuz» — «Miehaopt» i «Pra zapas».
Kramy nizkich cen stali raści na fonie źnižeńnia płaciežazdolnaści nasielnictva.
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju6
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary