«Z-za durnoj hałavy». Prapahanda patłumačyła, čamu tyktokierku ŭ formie zvolnili ź Minabarony
Na tyktokierku Palinu Papkovu, jakuju dniami zvolnili sa słužby ŭ vojsku, pačała nakat łukašenkaŭskaja prapahanda. Suprać jaje napisała hnieŭny post adyjoznaja Ludmiła Hładkaja, jakaja siarod inšaha pahražaje dziaŭčynie kryminalnaj spravaj.
Hładkaja sarkastyčna «vinšuje» Papkovu, što taja dabiłasia taho «da čaho imknułasia, jak toj kazaŭ», i jaje «znajšła słava».
«Dziaŭčynka darosłaja, i sama vydatna razumieje, što zvolnili nie z-za tyktoka, a, jak u narodzie kažuć, z-za durnoj hałavy i parušeńniaŭ», — zajaŭlaje prapahandystka.
Pavodle jaje, «sami videa pa źmieście — na miažy». Palinu nibyta pra heta papiaredžvali «starejšyja tavaryšy», ale jana da ich, maŭlaŭ, nie prysłuchałasia. Paśla jaje nibyta «vyrašyli ŭziać na paruki, skazali: roliki, maŭlaŭ, zdymaj, ale narmalnyja». Ale taja «praz paru miesiacaŭ — za svajo», i tady ŭžo načalstva nie vytrymała.
Hładkaja rezka krytykuje źmiest videa, u jakim maŭlaŭ, dziaŭčyna, «chamić i pavodzić siabie jak bydła»: «U chod iduć hołyja cycki (da ich Polušcy zastałasia ŭsiaho adna detal harderoba), nieprystojnyja vyrazy i tancy z peŭnym padtekstam ź siabroŭkaj».
Dadatkova jana stavić pad sumnieŭ i prafiesijnuju prydatnaść Papkovaj. Nibyta ź jaje kalehaŭ «bolšaść kažuć: «niekampietentnaja», «niepracavitaja» i, miakka skažam, «niedalokaja». Maŭlaŭ, kamandziry i sami ź nieciarplivaściu čakali, kali ŭ jaje skončycca kantrakt.
U toj ža čas Hładkaja faktyčna paćviardžaje, što dziaŭčynie sapraŭdy dali try vymovy za dva dni, to-bok sama asprečvaje ŭłasnyja śćviardžeńni, što nibyta jaje «parušeńni» nasili praciahły charaktar.
Naprykancy prapahandystka zhadvaje pra vajskovyja zakony, jakija nibyta parušyła Palina Papkova, dakidaje da kupy administracyjny i kryminalny kodeksy i kanstatuje: «Jak pa mnie, na kryminalny artykuł Papkova ŭžo napracavała».
Dziaŭčynu zvolnili z armii. Jana śćviardžaje, što z-za tyktoku i heta zahad ministra Chrenina
«Jašče adzin krok — i jaho žyćcio mahło pajści pad adchon». Prapahandysty źniali na fonie adčynienaj kamiery chłopca, jaki nibyta «pryjšoŭ z pavinnaj»
«Heta byŭ sapraŭdny treš. Jany ŭryvalisia ŭ pakoi, patrabavali ŭ nas telefony, pierakulvali ŭsio ŭvierch dnom»
Prapahandysty pasprabavali asprečyć, što cieła zahinułaj ukrainskaj dziaŭčynki było ŭ mazyrskim morhu. Ale supiarečać sabie raniejšym
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary
Ciapier čakajcie pakajalnaje videa dziaučyny u hiespaHubaza.