Cierciel: Niadaŭna ŭ Minsku byli supracoŭniki CRU i ździvilisia, što narod nie haładaje, a transpart pracuje
«Zachad zajšoŭ u tupik u realizacyi kancepcyi, vypracavanaj u dačynieńni da Biełarusi», — takuju dumku ŭ hutarcy ź dziaržaŭnymi žurnalistami zajaviŭ staršynia KDB, piša BiełTA.
Ivan Cierciel adznačyŭ, što padčas raboty kontrraźviedki fiksujecca prybyćcio zamiežnych dypłamataŭ, časam raźviedčykaŭ, z roznymi metami: «U ich cikavaja reakcyja, kali jany naviedvajuć Minsk, roznyja abjekty. Niadaŭna byli supracoŭniki CRU i vielmi aktyŭna pieramiaščalisia pa Minsku. I ździŭleńnie ŭ ich vyklikaje toj fakt, što narod nie haładaje, transpart pracuje, ludzi žyvuć svaim žyćciom. Heta vyklikaje dysanans z toj infarmacyjaj, tymi ŭjaŭleńniami, jakija skłalisia ŭ hramadstvach zachodnich dziaržaŭ».
Takim čynam, dadaŭ Ivan Cierciel, sankcyjny cisk u dačynieńni da Biełarusi nie prynios čakanych vynikaŭ.
«Arabski šejch zasunuŭ dalary ŭ kišeniu». Błohier Vadimati Jermašuk ciapier pracuje achoŭnikam luksavych bucikoŭ3
Kamientary