«Vyniki načnoj źmieny: vieta na dadatkovyja hrošy Ukrainie», — napisaŭ u noč na piatnicu ŭ sietcy Ch premjer-ministr Viktar Orban.
Vienhryja zabłakavała na samicie Jeŭrasajuza rašeńnie ab vydzialeńni Ukrainie ekanamičnaj dapamohi ŭ pamiery 50 miljardaŭ jeŭra, piša Bi-bi-si.
Staršynia Jeŭrapiejskaj rady Šarl Mišel paćvierdziŭ, što lidary krain ES nie zmahli damovicca ab uklučeńni dapamohi Ukrainie ŭ biudžetny płan Jeŭrasajuza.
Pavodle słoŭ Mišela, suprać hetaha vystupiła adna kraina. Jon jaje nie nazvaŭ, ale bolš nichto nie robić sakretu z taho, što heta Vienhryja. Pavodle słoŭ Mišela, lidary krain ES viernucca da hetaha pytańnia ŭ pačatku nastupnaha hoda.
«Ja nie chaču ŭdavacca ŭ padrabiaznaści, bo ja chaču papracavać z kalehami najbližejšymi dniami, najbližejšymi tydniami, kab padrychtavać samit, jaki adbudziecca naleta, u pačatku nastupnaha hoda», — cytuje staršyniu Jeŭrapiejskaj rady ahienctva AFP.
Prykładna pra toje ž napisaŭ u Ch i Viktar Orban. «My vierniemsia da hetaha pytańnia na Jeŭrapiejskaj radzie naleta, kali jak śled padrychtujemsia», — paviedamiŭ vienhierski premjer.
Akramia 54 młrd ekanamičnaj dapamohi, Jeŭrasajuz maje namier zakłaści ŭ biudžet i 24 młrd na vajskovuju dapamohu Ukrainie. Pra toje, što budzie z hetaj apošniaj sumaj, jeŭrapiejskija lidary na samicie pakul nie paviedamili.
U čaćvier, u pieršy dzień samitu Jeŭrasajuza, lidary krain ES vyrašyli aficyjna pačać pieramovy ab ustupleńni ŭ ES Ukrainy (a taksama Małdovy), i Vienhryja na čale z Orbanam nie stała hetamu pieraškadžać, choć vienhierski premjer i praciahnuŭ kazać, što Ukraina nie hatovaja da pačatku pieramovaŭ.
Orban daŭno varahuje z Ukrainaj, abvinavačvajučy jaje ŭ pryhniocie vienhierskaj mienšaści. Akramia taho, Orban daŭno varahuje i z Brusielem, a ciapier sprabuje pry dapamozie ŭkrainskaha ryčaha damahčysia razmarozki doli Vienhryi pamieram 30 młrd jeŭra ŭ asihnavańniach z ahulnaha katła ES.
Jeŭrakamisija zamaroziła hetyja hrošy, abvinavaciŭšy Vienhryju ŭ parušeńni pryncypu viaršenstva zakona, a bolš kankretna — va ŭščamleńni niezaležnaści sudździaŭ.
Orban i siabry jaho ŭrada rehularna vystupajuć i suprać sankcyj u dačynieńni da Rasii, a paśla taho, jak jana napała na Ukrainu, stali kazać pra biessensoŭnaść vajennaj dapamohi ŭkraincam.
Praŭda, vystupajučy na publicy suprać sankcyj ES, Vienhryja z 2014 cicha i niaźmienna hałasuje za padaŭžeńnie ŭžo ŭviedzienych i ŭviadzieńnie novych. Vyklučeńnie skłała tolki embarha na rasijskuju naftu, uviedzienaje hod tamu: tut Budapiešt nie sastupiŭ i damohsia dla siabie adterminoŭki.
U Cierciela prahučaŭ novy akcent: «razradka ŭ cełym toj napružanaści» ŭ adnosinach z Polščaj i Bałtyjaj21
Kamientary