Takija bujnyja seks– i pornapłatformy jak Pornhub, XVideos i Stripchat ciapier pavinny buduć prytrymlivacca bolš strohich pravił adnosna nielehalnaha kantentu i zakryć dostup dla niepaŭnaletnich. Pornhub sprabavała piarečyć.
Na hetym tydni Jeŭrapiejskaja kamisija pašyryła śpis bujnych anłajn-płatform, na jakija raspaŭsiudžvajucca patrabavańni zakona «Ab ličbavych pasłuhach» (DSA).
Da takich bujnych hulcoŭ, jak Google, Facebook, TikTok dadali try eratyčnyja partały — Pornhub, XVideos i Stripchat. Ciapier śpis achoplivaje 22 płatformy i, jak adznačajuć jeŭračynoŭniki, nie źjaŭlajecca kančatkovym.
Novyja ŭdzielniki śpisu pavinny na praciahu čatyroch miesiacaŭ unieści źmieny, kab zabiaśpiečyć vykanańnie patrabavańniaŭ DSA. Spravazdačy ab vykanańni buduć razhledžanyja Jeŭrakamisijaj.
Płatformy pavinny buduć pryniać novyja miery dla praduchileńnia raspaŭsiudžvańnia seksualnaha kantentu biez dazvołu jaho ŭdzielnikaŭ i tak zvanaj dypfejk-parnahrafii.
Jeŭrapiejskaja kamisija taksama patrabuje ad sajtaŭ vykarystoŭvać instrumienty pravierki ŭzrostu, kab niepaŭnaletnija nie mahli atrymać dostup da kantentu. Płatformy pavinny buduć adpaviadać vysokim standartam maderacyi, kab nie dapuścić źjaŭleńnia kantentu sa scenami seksualnaha hvałtu i dziciačaj parnahrafii.
Akramia hetaha, sajtam u budučyni budzie zabaroniena piersanalizavać rekłamu na padstavie peŭnych kanfidencyjnych danych (seksualnaja aryjentacyja, palityčnyja pohlady, vieravyznańnie), a taksama źbirać piersanalnyja danyja dziaciej i moładzi ŭ rekłamnych metach. Za nievykanańnie pravił kampanijam pahražajuć štrafy da šaści pracentaŭ ad hadavoha abarotu.
Jak piša internet-vydańnie Spiegel.de, Pornhub pasprabavaŭ asprečyć svajo ŭklučeńnie ŭ śpis, zajaviŭšy, što płatformaj karystajecca tolki 33 miljony čałaviek u ES. Pad dziejańnie ž DSA patraplajuć «bujnyja płatformy», u jakich nie mienš za 45 miljonaŭ karystalnikaŭ. Adnak Jeŭrakamisija pryviała svaje raźliki, jakija dakazvajuć słušnaść rašeńnia adnosna ŭsich troch novych udzielnikaŭ śpisu.
Čytajcie jašče:
Ustupili ŭ siłu novyja jeŭrapiejskija praviły dla technałahičnych hihantaŭ. Voś jak jany pracujuć
Pornhub raspavioŭ, jakoje porna biełarusy čaściej za ŭsio hladzieli ŭ hetym hodzie
Jak u Francyi sprabujuć abmiežavać dostup niepaŭnaletnich da parnahrafii
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary