Navuka i technałohii11

ES zaklikaŭ Google i Facebook markiravać kantent, stvorany štučnym intelektam

Zaklik prahučaŭ na fonie dziejańniaŭ pa baraćbie z dezynfarmacyjaj z Rasii. Adnačasova Jeŭrakamisija papiaredziła Twitter ab vykanańni novaha zakona ab ličbavych pasłuhach.

Huhał i Fejsbuk Huhł i Fiejsbuk Google and Facebook

Jak paviedamlaje The Guardian, ES zaklikaŭ sacyjalnyja sietki i resursy, u tym liku Google i Facebook, «nieadkładna» pačać markiravać kantent i vyjavy, stvoranyja štučnym intelektam, u ramkach mier baraćby z fejkavymi navinami i dezynfarmacyjaj z Rasii.

U toj ža čas ES papiaredziŭ kampaniju Twitter, jakaja dva tydni tamu vyjšła z dobraachvotnaha zboru praviłaŭ ES, što joj pahražajuć «chutkija» sankcyi, kali jana nie budzie vykonvać zakon Jeŭrapiejskaha sajuza ab ličbavych pasłuhach, što ŭstupić u siłu 25 žniŭnia hetaha hoda.

Z paznačanaha času bujnyja anłajn-płatformy, u tym liku i Twitter, pavinny buduć vykonvać jurydyčnyja abaviazańni pa praviercy kantentu. Kampanii, jakija parušajuć heta praviła, buduć nieści jurydyčnuju adkaznaść. Im pahražaje štraf da 6% ad hadavoha suśvietnaha abarotu. U horšym vypadku kampanii-niepłacielščyki mohuć sutyknucca z mahčymaj zabaronaj na viadzieńnie biznesu ŭ ES.

U ramkach bolš šyrokich namahańniaŭ pa baraćbie z rasijskaj dezynfarmacyjaj ES taksama paprasiŭ Facebook i inšyja arhanizacyi vyłučyć bolš resursaŭ na pravierku faktaŭ u dačynieńni da kantentu na movach mienšaściaŭ va Uschodniaj Jeŭropie, dzie rasijskija dezynfarmacyjnyja kampanii ličacca pahrozaj.

«Heta nie prosta biznes. Čaho chočuć ruskija, dyk heta padarvać hramadskuju dumku našych hramadzian u padtrymku Ukrainy»,

— zajaviła vice-prezident Jeŭrakamisii Viera Jurava.

ES viadomy jak lidar u rehulavańni dziejnaści technałahičnych kampanij. Jon raspracoŭvaje asobnyja zakony ab štučnym intelekcie z Kodeksam praktyki, jaki razhladajecca jak šlach padrychtoŭki da novaha režymu rehulavańnia. Kodeks dobraachvotny i ŭzhodnieny z 44 kampanijami, u tym liku z TikTok i YouTube.

Rašeńnie Twitter vyjści z dobraachvotnaha kodeksa było rasceniena jak varožy krok, i Jurava nazvała jaho «pamyłkaj».

«Twitter abraŭ kanfrantacyju. Heta zaŭvažyli ŭ Jeŭrakamisii. Ja viedaju, što kodeks dobraachvotny, ale nie varta rabić pamyłak. Kali Twitter vyjšaŭ z kodeksa, jon pryciahnuŭ šmat uvahi, i jaho dziejańni i adpaviednaść zakanadaŭstvu ES buduć staranna i terminova pravierany»,

— skazała Jurava.

ES prosić kampanii markiravać kantent, stvorany štučnym intelektam takim čynam, kab karystalniki mahli hetu markiroŭku zaŭvažyć padčas chutkaha prahladu i pieraklučyć uvahu na inšyja rečy. Jeŭrakamisija choča, kab karystalnik moh bačyć, što kantent stvorany nie realnymi ludźmi, i kab taki kantent byŭ paznačany takimi słovami, jak «heta kaža robat».

Jurava skazała, što kampanijam, jakija pracujuć u sacyjalnych sietkach, naležyć zmahacca z patencyjnym «ciomnym bokam» štučnaha intelektu, jaki moža padrablać padziei i hałasy za ličanyja siekundy.

Niekatoryja analityki adznačajuć, što vykanańnie hetaha novaha praviła pa-raniejšamu sutykajecca z techničnymi ciažkaściami. Adna z takich pieraškod zaklučajecca ŭ tym, što na hetym etapie nie isnuje technałohii, jakaja mahła b chutka i efiektyŭna vyjaŭlać kantent, stvorany štučnym intelektam. Tamu zaraz bolšaść firmaŭ pavinna pracavać tolki na asnovie «maksimalnych namahańniaŭ».

Čytajcie jašče:

Na astudžeńnie siervieraŭ ChatGPT treba stolki ž vady, kolki i na astudžeńnie jadziernaha reaktara — daśledavańnie

Čat-boty sa štučnym intelektam pišuć naviny. Jak heta źmianiaje pracu redakcyj

Štučny intelekt navučyŭsia movie darknetu i ciapier moža raspaznavać kibierpahrozy

Kamientary1

  • Kazik
    09.06.2023
    Ideja paznačać taki kantent dobraja, tolki voś małarealnaja, akramia samych prostych vypadkaŭ, jakimi štrafami nie prystrašvaj. Tviter pravilna zrabiŭ, što plunuŭ na ich

Ciapier čytajuć

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»24

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Usie naviny →
Usie naviny

«Da hetaha času nie vieru, što vyžyŭ». Raspovied adzinaha vyžyłaha ŭ katastrofie samalota Air India, jaki raźbiŭsia ŭ Achmiedabadzie

Chłopca, jaki ŭ Lebiedzievaj beściŭ Jeŭropu, asudzili za ŭdzieł u pratestach i ŭchileńnie ad vojska6

Łukašenka zapatrabavaŭ ad vajskoŭcaŭ vynajści cud-mašynu dla baraćby z dronami9

Rasijanie zapuścili ŭ Biełarusi dziŭny miesiendžar — rehistracyja pa numary telefona, a voś vydalicca možna tolki kali dazvolać34

Džon Kienedzi i Robiert Kienedzi zhulajuć na kłubnym čempijanacie śvietu pa futbole ŭ ZŠA. Pryčym u adnoj kamandzie

Pałavoje vyśpiavańnie robicca ŭsio bolš rańnim, a psichałahičnaja darosłaść — poźniaj. I heta prablema4

Dziciačy centr, jaki admoviŭ dziaŭčynie ŭ pracaŭładkavańni za biełaruskuju movu, ułady pravieryli i znajšli parušeńni2

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie11

«Hety fest nie tolki dla kajfu». Arhanizatary fiestyvalu Tutaka raskazali pra sioletnija płany i pierśpiektyvy10

bolš čytanych navin
bolš łajkanych navin

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»24

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Hałoŭnaje
Usie naviny →

Zaŭvaha:

 

 

 

 

Zakryć Paviedamić