Vučonyja raspracavali čarniła dla 3D-pryntara, zdolnaje ćviardzieć pad uździejańniem ultrahuku. Novaja technałohija dazvolić zamianić niekatoryja chirurhičnyja pracedury mienš invazijnym umiašańniem.
Za apošnija hady technałohija 3D-druku stała vykarystoŭvacca ŭ miedycynie. Vučonyja ź jaje dapamohaj užo daŭno nadrukavali štučnaje serca, skuru, navat u kosmasie zdoleli nadrukavać mienisk kalennaha sustava. Ciapier vučonyja pajšli dalej. Technałohija litaralna pranikła ŭnutr čałaviečaha cieła. Svaimi vynikami vučonyja padzialisia na staronkach časopisu Science.
Novaja technałohija, jakaja atrymała nazvu akustyčaha abjomnaha druku hłybokaha praniknieńnia (DAVP), dazvalaje drukavać peŭnyja struktury praz słai bijamateryjału, takija, jak skura, ciahlicy i kostki. Dla hetaha vykarystoŭvajecca śpiecyjalna raspracavanyja sona-čarniły, jakija ŭvodziacca ŭ arhanizm praz malusieńki katetar.
Čarniła adčuvalnyja da ŭltrahuku, tamu sfakusavany vypramieńvańnik dazvalaje vyklikać ich polimieryzacyju addalena, što niemahčyma pry 3D-druku, jaki z dapamohaj fotareakcyi buduje abjekt słoj za słojem.
Jak śćviardžajuć vučonyja, novaja technałohija dapamoža pieratvaryć niekatoryja apieracyi ŭ mienš invazijnyja, a taksama efiektyŭna dastaŭlać supraćrakavyja leki niepasredna da kankretnaj častki orhana, što abmiažuje pabočnyja efiekty.
Vučonyja praviali ekśpierymienty na žyviołach. Jany zdoleli adnavić paškodžanyja vobłaści serca kazy. Padobny stan u čałavieka moža pryvieści da ŭtvareńnia śmiarotnych trombaŭ ci sardečnych prystupaŭ. Raspaŭsiudžanym mietadam lačeńnia zjaŭlajecca apieracyja na adkrytym sercy.
Kamanda vučonych uviała sona-čarniły prosta ŭ serca praz kryvianosnyja sasudy. Pad uździejańniem ultrahuku čarniły ŭtvaryli bijasumiaščalnuju paviazku, jakaja sčapiłasia z navakolnaj tkaninaj i abaraniła paškodžanuju vobłaść.
U druhim teście vučonyja ŭviali čarniły ŭ pierałom kości kurynaj nahi i rekanstrujavali jaje biasšoŭnym złučeńniem z rodnymi častkami.
U chodzie inšaha ekśpierymientu sona-čarniły byli napoŭnieny chimijaterapieŭtyčnym preparatam i hetaja sumieś była ŭviedziena ŭ paškodžanuju rakam piačonku śvińni.
Pad uździejańniem ultrahuku čarniła pranikli ŭ paškodžanyja ŭčastki i na praciahu tydnia pastupova vypuścili leki ŭ paškodžanyja ŭčastki, zachavaŭšy pry hetym bolšuju častku zdarovych navakolnych kletak. Vučonyja ličać, što hety mietad moža dapamahčy palepšyć lačeńnie raku paśla chirurhičnaha vydaleńnia puchlin.
Ale da praktyčnaha vykarystańnia pry lačeńni ludziej jašče daloka. Čarniły pavinny prajści testy na nietaksičnaść. Akramia hetaha, stymulacyja ŭltrahukam moža nahravać tkaninu na 70 hradusaŭ pa Celsiju. Vučonyja spadziajucca ŭdaskanalić i aptymizavać technałohiju druku, a taksama vyvučyć novyja materyjały dla čarnił. Tamu chirurham daviadziecca pačakać jašče niekalki hadoŭ, pakul ultrahukavyja drukarki trapiać u ich rasparadžeńnie.
Čytajcie jašče:
U kosmasie na 3D-pryntary nadrukavali častku čałaviečaha cieła
-
Antarktyda maje «hravitacyjnuju dzirku». Što heta takoje i ci niasie pahrozu płaniecie?
-
«Jandeks Braŭzier» analizuje navat asabistyja paviedamleńni. Voś jakija źviestki źbirajuć braŭziery i čamu heta važna
-
Na karybskim vostravie vypraboŭvajuć inavacyjnuju sistemu chvalevaj enierhietyki i apraśnieńnia vady
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary