Sikorski: Ukraina nie hatovaja da ŭstupleńnia ŭ ES u 2027 hodzie z-za adsutnaści klučavych reform
Ministr zamiežnych spraŭ Polščy vykazaŭsia nakont namahańniaŭ Kijeva zafiksavać 2027 hod jak datu ŭstupleńnia ŭ ES u budučaj miratvorčaj damovie.
Ministr zamiežnych spraŭ Polščy Radasłaŭ Sikorski zajaviŭ, što ŭstupleńnie Ukrainy ŭ Jeŭrapiejski Sajuz patrabuje realistyčnaj acenki hatoŭnaści jak Kijeva, tak i samoha błoku, i vykazaŭ sumnieŭ nakont fiksacyi 2027 hoda jak daty dałučeńnia. Pra heta Radasłaŭ Sikorski zajaviŭ paśla sustrečy ministraŭ zamiežnych spraŭ krain ES u Brusieli, piša «Polskaje radyjo».
«Ja zaŭsiody caniu kreatyŭnaje myśleńnie. Sam fakt ustupleńnia Ukrainy budzie vialikim vyklikam jak dla samoj Ukrainy, tak i dla Jeŭrapiejskaha Sajuza, bo heta vialikaja kraina, ale nie vielmi bahataja. Adnačasova pamiatajem, što Ukraina jašče nie całkam ukaraniła Pahadnieńnie ab asacyjacyi. Tak što kreatyŭnaje myśleńnie — heta adno, a palityčnyja rašeńni — heta inšaje», — skazaŭ ministr.
Idzie havorka ab abmierkavańni namahańniaŭ Kijeva zafiksavać 2027 hod jak datu ŭstupleńnia ŭ ES u budučaj miratvorčaj damovie. Prychilnicaj tak zvanaha «zvarotnaha členstva» Ukrainy źjaŭlajecca staršynia Jeŭrapiejskaj kamisii Ursuła fon der Lajen.
Hetaja kancepcyja praduhledžvaje, što Ukraina spačatku stanovicca poŭnapraŭnym členam ES, a ŭžo potym, u pracesie ŭkaranieńnia reformaŭ, dałučajecca da kankretnych prahram supracoŭnictva.
Heta datyčycca, u tym liku, palityki zhurtavanaści i Sumiesnaj ahrarnaj palityki. Sikorski padkreśliŭ, što taki padychod źjaŭlajecca surjoznym pracedurnym vyklikam.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha36
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu134134
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu134
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
Ustupleńnie ŭ ES pavinna adbyvacca pa ahulnaj pracedury, a nie tolki praz toje, što Ukraina jość achviara vajny.