13-hadovy amierykaniec pieršym u śviecie prajšoŭ «Tetrys» da kanca
Amierykanski školnik staŭ pieršym u historyi čałaviekam, jaki skončyŭ apošni ŭzrovień u kultavaj savieckaj videahulni «Tetrys» praz 40 hadoŭ paśla jaje vynachodki inžynieram Alaksiejem Pažytnavym, piša Ruskaja słužba Bi-bi-si.
13-hadovy Uilis Hibsan sa štata Akłachoma apublikavaŭ na svaim kanale ŭ YouTube momant, kali jon pierachodzić na 157 uzrovień hulni, jana vydaje pamyłku i zavisaje. «Ja zaraz adklučusia, nie adčuvaju svaich palcaŭ», — usklikaje chłopčyk i padaje na kresła.
U Uilisa pajšło ŭsiaho 38 chvilin na toje, kab dajści da 157-ha ŭzroŭniu, vidavočna, apošniaha, kali błoki bolš nie padajuć i ekran zavisaje.
Pry hetym usiaho niekalki hadoŭ tamu prychilniki «Tetrysa» ličyli, što ŭ jaho možna hulać tolki da 29-ha ŭzroŭniu. Sutnaść hulni ŭ tym, što hulec vybudoŭvaje «budaŭničyja błoki», jakija padajuć źvierchu, u haryzantalnyja linii. Jak tolki atrymlivajecca roŭny šerah biez prabiełaŭ, jon źnikaje, za što naličvajucca ački.
«Tetrys» atrymaŭ suśvietnuju słavu praź piać hadoŭ paśla jaho vynachodki ŭ SSSR. U 1989 hodzie hulnia vyjšła na płatformach Nintendo, uklučajučy partatyŭny «hiejmboj». Ciapier jana dastupnaja na prystaŭkach, kampjutarach, płanšetach i mabilnych telefonach.
U 2010 hodzie prafiesijnamu hiejmieru z ZŠA Toru Akierłundu ŭdałosia dasiahnuć 30-ha ŭzroŭniu ŭ «Tetrysie», vykarystoŭvajučy techniku, viadomuju jak hipiertapinh, jakaja dazvalaje naciskać kłavišy kantrolera sa značna vyšejšaj chutkaściu. Paśla hetaha inšyja hiejmiery pačali vykarystoŭvać hipiertapinh i inšyja novyja mietady, kab pahladzieć, jak daloka jany zmohuć prajści.
Hetaja technika paśla 2018 hoda dazvalała niaźmienna pieramahać na čempijanatach śvietu pa kłasičnym «Tetrysie». Ale da niadaŭniaha času tolki štučny intelekt moh dajści da 157-ha ŭzroŭniu, na jakim hulnia spyniałasia.
Ciapierašni rekardsmien Uilis Hibsan, jakoha na YouTube zavuć Blue Scuti, hulaje ŭ «Tetrys» z 11-ci hadoŭ i ŭdzielničaŭ u niekalkich turnirach.
«Kali ja pačaŭ hulać u hetuju hulniu, ja navat nie čakaŭ, što kali-niebudź złamlu ci vyjhraju jaje», — napisaŭ jon u svaim kanale na YouTube.
Pa słovach Uilisa, jon nie tolki pieramoh u hulni, ale i pabiŭ ahulny vynik dy try inšyja suśvietnyja rekordy pa «Tetrysie».
Pośpiech Hibsana natchniŭ inšych hiejmieraŭ, kab pasprabavać pabić jahony rekord. Mnohija ź ich dakumientujuć svaje sproby ŭ sacyjalnych sietkach i na sajtach patokavaha videa.
Film «Tetrys»: jak zamiežnyja biznesmieny kuplali pravy na suśvietna viadomuju hulniu ŭ savieckaha inžyniera
Jutub-błohierka ŭ 66 hadoŭ i tynejdžar, jaki 10 hadzin siadzić u smartfonie. Roznyja pakaleńni — pra svoj vopyt karystańnia hadžetami
Evalucyja hadžetaŭ: jak razumnyja pryłady zachapili śviet ŚPIECPRAJEKT
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1313
Kamientary