Prezident ZŠA Donald Tramp, vystupajučy na Suśvietnym ekanamičnym forumie ŭ Davosie, zajaviŭ, što Jeŭropa, na jaho dumku, raźvivajecca ŭ niapravilnym kirunku.
Padvodziačy vyniki stanu amierykanskaj ekanomiki za apošni hod, Tramp źviarnuŭsia da jeŭrapiejskich lidaraŭ, adznačyŭšy, što jany mahli b uziać prykład z ZŠA. Pry hetym jon padkreśliŭ, što niekatoryja rehijony Jeŭropy stali dla jaho niepaznavalnymi, i ŭ niehatyŭnym sensie.
Pavodle słoŭ amierykanskaha prezidenta, jon lubić Jeŭropu i žadaje joj roskvitu, adnak ličyć, što siońniašni kurs škodzić jaje raźvićciu. Asablivuju krytyku Tramp vykazaŭ na adras sučasnaj zachodniaj ekanamičnaj madeli, jakaja, jak jon śćviardžaje, hruntujecca na pastajannym roście dziaržaŭnych vydatkaŭ, masavaj i niekantralavanaj mihracyi, a taksama na zaležnaści ad impartu.
Jon taksama raskrytykavaŭ tendencyju vynasu ciažkaj pramysłovaści ŭ inšyja krainy i zamienu tannaj enierhietyki tak zvanym «zialonym kursam», adznačyŭšy, što takaja palityka nanosić škodu jeŭrapiejskaj ekanomicy.
Tramp prybyŭ u Davos z zatrymkaj: jahony samalot byŭ vymušany viarnucca na bazu Sent-Endrus pad Vašynhtonam z-za prablem z elektraabstalavańniem paśla ŭźlotu. U tym liku ŭ suviazi z hetym nie adbyłasia zapłanavanaja sustreča ź fiederalnym kancleram Hiermanii Frydrycham Miercam, jaki raźličvaŭ abmierkavać z Trampam napružanaść u adnosinach, vyklikanuju amierykanskimi pretenzijami na Hrenłandyju.
«Boh vielmi hanarycca pracaj, jakuju ja zrabiŭ». Tramp vylecieŭ na Suśvietny ekanamičny forum u Davosie
Premjer Kanady: Stary suśvietny paradak nie vierniecca, siarednim dziaržavam treba trymacca razam
Uitkaf i Kušnier sustrelisia ŭ Davosie z pradstaŭnikom Pucina
Kir Starmier admovicca ŭvajści ŭ skład trampaŭskaj Rady miru
Narviehija admoviłasia ŭvajści ŭ trampaŭskuju Radu miru
Francyja prapanavała pravieści vučeńni NATA ŭ Hrenłandyi
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki31
Kamientary
Astatniaje ź jaho słoŭ ....nima sensa abmiarkoŭvać