Mer Kijeva Vital Kličko ŭ kamientary brytanskaj haziecie The Times paviedamiŭ, što ŭ hetym miesiacy stalicu Ukrainy pakinuli 600 tysiač žycharoŭ. Da vajny ŭ horadzie pražyvała bolš za 3 miljony čałaviek. Masavy adjezd adbyvajecca na fonie rasijskich abstrełaŭ Kijeva, jakija razburajuć kamunalnuju infrastrukturu horada ŭ marazy.
U pres-słužbie mera patłumačyli «Ukrainskaj praŭdzie», što hetaja ličba zasnavanaja na dadzienych mabilnych apierataraŭ. Statystyka pakazvaje, što ciapier u horadzie «načuje» na 600 tysiač telefonaŭ mienš, čym zvyčajna.
«Adsiul ličba, jakuju ahučyŭ mer. Tak, naprykład, ličyli, kolki zastavałasia ludziej u horadzie ŭ pačatku vajny (800 tysiač było). Niechta skarystaŭsia paradami i tyja, kamu było kudy, pajechali za horad, da siabroŭ. Plus ciapier vakacyi praciahnuli. Taksama studenty na anłajn-navučańni, i častka ich raźjechałasia, chto nie kijaŭlanie», — skazali ŭ pres-słužbie Kličko.
Masavy adjezd adbyvajecca na fonie krytyčnaj situacyi z kamunalnaj infrastrukturaj. Paśla maštabnaj rasijskaj ataki 20 studzienia ŭ Kijevie biez aciapleńnia zastalisia bolš za 5,5 tysiačy šmatpaviarchovikaŭ, a levy bierah stalicy na peŭny čas całkam pazbaviŭsia vodazabieśpiačeńnia.
Kamientary