Z Sankt-Pieciarburha zapuściać aŭtobus u haradski pasiołak na miažy Viciebskaj i Minskaj abłaściej
Taksama budzie aŭtobus u Baranavičy.
«Zapuskajem dva novyja mižnarodnyja aŭtobusnyja rejsy ŭ biełaruskija harady: Baranavičy i Biahoml. Pieršy adpravicca ŭžo ŭ subotu», — paviedamlaje pieciarburžski telehram-kanał «Načalnik transpartnaha cechu».
Aŭtobusy buduć adpraŭlacca z aŭtavakzała Sankt-Pieciarburha.
Pieršy rejs pa maršrucie № 0608 «Sankt-Pieciarburh — Baranavičy» zapłanavany na 23:30 suboty. Aŭtobus dabiarecca da miesca pryznačeńnia praz 14 hadzin z prypynkami ŭ Viciebsku i Minsku. Rejs budzie ažyćciaŭlacca raz na tydzień — pa subotach.
Aŭtobus pa maršrucie № 3189 «Sankt-Pieciarburh — Biahoml» budzie kursiravać praź dzień z 5 lutaha. Čas adpraŭleńnia — 22:00. Pa šlachu zapłanavany prypynak u Pskovie. U Biahoml aŭtobus prybudzie praz 11 hadzin.
Pasažyraŭ buduć absłuhoŭvać novyja sučasnyja aŭtobusy vialikaha kłasa, raźličanyja amal na 50 čałaviek. Transpart abstalavany ŭsim nieabchodnym dla doŭhich pajezdak: sanvuzłami, sistemami klimakantrolu, USB-razdymami dla zaradki hadžetaŭ, Wi-Fi.
Biahoml — haradski pasiołak u Dokšyckim rajonie na miažy Viciebskaj i Minskaj abłaściej, na trasie Minsk — Viciebsk. Centr sielsavieta, nasielnictva 2300 čałaviek. Da Minska — 101 km.
Kamientary
A ŭ Biahoml zachodzić transpart jak z Viciebsku, tak i z boku Brasłava, nie pavinna być prablemaŭ.
Adzin biezumoŭny minus, tam, na autavakzale, tualety strašnyja, chalera, ale kaštujuć, jak pačak cyharetaŭ, a kluč na kasie, dzie siadzić zluščy, jak 100 kitajskich sabak, piersanał...