Tramp raskazaŭ pra novuju hukavuju zbroju, dziakujučy jakoj zachapili Madura
Prezident ZŠA Donald Tramp zajaviŭ, što padčas apieracyi pa zatrymańni prezidenta Vieniesueły Nikałasa Madura 3 studzienia amierykanskija vajskoŭcy vykarystali sakretnuju raspracoŭku — hukavoje «cuda-ŭzbrajeńnie», jakoha, pa jaho słovach, «nichto bolš nie maje». Tramp adznačyŭ, što «lepš pra heta nie kazać», adnak padkreśliŭ, što heta była «ŭzrušajučaja ataka».
Raniej pres-sakratarka Biełaha doma Kerałajn Levit pierapościła ŭ X intervju z čałaviekam, jaki pradstaŭlaŭsia achoŭnikam Madura. Jon raskazaŭ, što padčas jahonaha zatrymańnia amierykanskija śpiecnazaŭcy prymianili nieviadomaje ŭzbrajeńnie, jakoje vyklikała «mocnuju hukavuju chvalu».
Pa słovach śviedki, jon adčuŭ, što «hałava ŭnutry vybuchaje», va ŭsich udzielnikaŭ pačaŭsia kryvaciok z nosa, niekatoryja navat vanitavali kryvioj, i jany nie mahli ruchacca. Śviedka padkreśliŭ, što nikoli ničoha padobnaha raniej nie bačyŭ.
Ananimny vieniesuelski vajskoviec taksama adznačaŭ u New York Post, što amierykancy vykarystali suprać siłavikoŭ nieznajomaje ŭzbrajeńnie, ź jakim jany da hetaha nie sutykalisia.
U adkaz pres-sakratar prezidenta Rasii Dźmitryj Piaskoŭ paviedamiŭ, što adkaznyja słužby Rasii źbirajuć i analizujuć infarmacyju pra padobnyja ŭzbrajeńni i daduć tłumačeńni adnosna zajaŭ Trampa. Jon adznačyŭ:
«U nas, vy viedajecie, jość adpaviednyja słužby, u zadačach jakich jość zbor infarmacyi na hety kont i analiz hetaj infarmacyi. Jany vykonvajuć svaju pracu. U hetym vypadku, napeŭna, treba budzie pačuć nam tłumačeńnie adnosna taho, što maje na ŭvazie prezident ZŠA».
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary