U parku žyvioł la Baranavičaŭ možna paabdymacca z kapibaraj za 100 rubloŭ
U baranavickaj kapibary navat jość žanich. Ale jaho nie mohuć pryvieźci z Paŭdniovaj Amieryki, bo vielmi doraha. Zatoje naviedvalniki parku mohuć schadzić na spatkańnie ź niezvyčajnaj žyviołaj.
Cikavuju płatnuju pasłuhu prapanoŭvaje park žyvioł, jaki znachodzicca la Baranavičaŭ, — spatkańnie z puchnataj zorkaj kapibaraj.
Kapibara — samy bujny hryzun u śviecie. Jaje daŭžynia cieła kala 100—130 santymietraŭ, vyšynia ŭ karku — 50—60 santymietraŭ, vaha zvyčajna 35—65 kiłahramaŭ, ale bujnyja asobiny mohuć dasiahać 70—75 kiłahramaŭ. Kab praściej było ŭjavić: pa pamiery kapibara prykładna jak davoli vialiki sabaka, ale z bolš masiŭnym ciełam i karotkimi nahami.
Kaštuje hadzinnaja sustreča sto rubloŭ. Za hetyja hrošy na spatkańnie mohuć pryjści ad adnaho da čatyroch čałaviek, plus dadatkova treba nabyć uvachodny kvitok u sam park.
Što ž uvachodzić u prahramu spatkańnia? Abiacajuć, što možna budzie spakojna sustrecca za kapibaraj biez natoŭpu pobač — pahładzić jaje, pakarmić z ruk, pafatahrafavacca.
Takija sustrečy pravodziać pa čatyry razy štodzień.
Darečy, u baranavickaj kapibary sapraŭdy ŭsio vielmi sumna ŭ asabistym žyćci. Na sajcie parka žyvioł paznačana: «Naša puchnataja karaleva staleje… i ŭsio čaściej sumuje, bo joj patrebny siabar, kampańjon, jaki budzie razumieć jaje z paŭpozirku i dzialić ź joj prysmaki».
Kamanda parka žyvioł doŭha šukała nadziejnaha siabra dla kapibary — i taki znajšła pretendenta. Ale ž znachodzicca žanich ažno ŭ Paŭdniovaj Amierycy. A pieravieźci jaho ŭ Biełaruś kaštuje ažno 80 tysiač rubloŭ.
Ciapier raspačaty zbor na toje, kab kapibara narešcie atrymała šaniec na prostaje žanočaje ščaście. Ale pakul na heta ničoha nie zadanacili.
U naviedvalnikaŭ parka jość mahčymaść bližej paznajomicca i ź inšymi žyviołami. Tak, piknik z łamaj kaštuje 15 rubloŭ, alpakaterapija — 7 rubloŭ, lemuraterapija — 20 rubloŭ.
U Hrodzienskim zaaparku najbolš ciešacca ź zimy žychary Afryki VIDEA
«Najlepšaje ŭ žyćci — bačyć, jak uźlatajuć ci ŭciakajuć tyja, kamu my dapamahli». Biełaruska raskazała, jak ratuje dzikich žyvioł
«Lepš było b jaho ŭsypić». Zaołah raskazaŭ, jakaja niebiaśpieka dla Biełarusi moža być ad janota, jakoha znajšli mytniki ŭ kantejniery z ZŠA
Va Urocłaŭskim zaaparku maleńki aleń napaŭ na vializnaha nasaroha VIDEA
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach6
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary