Paharšeńnie jakaści pavietra źviazana z nadvorjem, što staić.
U Minsku zachoŭvajecca pavyšany ŭzrovień zabrudžvańnia pavietra, paviedamlaje Biełhidramiet.
Pra zabrudžvańnie śviedčać vyniki nazirańniaŭ na aŭtamatyčnych stancyjach bieśpierapynnaha vymiareńnia źmieściva pryjarytetnych zabrudžvalnych rečyvaŭ u atmaśfiernym pavietry, raźmieščanych u stalicy.
Siońnia adznačana pavieličeńnie najaŭnaści aksidu azotu ŭ pavietry. Pieravyšeńni ŭstanoŭlenych hihijeničnych narmatyvaŭ maksimalna dapuščalnych kancentracyj fiksujucca ŭ piaci punktach horada: da ŭčorašnich praśpiekt Niezaležnaści, 110a, vulica Cimirazieva, 23, vulica Radyjalnaja, 50 i mikrarajon Uručča dadałasia kropka na vulicy Karžanieŭskaha. Na 12.00 maksimalnaja kancentracyja aksidu azotu dasiahała 2,4 hranična dapuščalnaj kancentracyi.
Akramia taho, 20 studzienia zafiksavana pieravyšeńnie siaredniesutačnaj hranična dapuščalnaja kancentracyi ŭ 1,2 raza pa ćviordych čaścicach, frakcyi pamieram da 2,5 mkm (tonki pył).
— Paharšeńnie jakaści pavietra źviazana ź mietearałahičnymi ŭmovami, što skłalisia: nazirajucca zacišnaje nadvorje i pryziemnaja inviersija, jakaja pieraškadžaje vynasu zabrudžvalnych rečyvaŭ u vierchnija płasty atmaśfiery i, adpaviedna, ačyščeńniu pavietra, — adznačajuć śpiecyjalisty.
Kamientary