Prezident Ukrainy Uładzimir Zialenski ŭ čaćvier, 22 studzienia 2026 hoda, prybudzie na Suśvietny ekanamičny forum u Davosie, kab sustrecca z prezidentam ZŠA Donaldam Trampam, piša «Jeŭrapiejskaja praŭda».
Pa infarmacyi vydańnia Axios sa spasyłkaj na ŭkrainskaha čynoŭnika, sustreča adbudziecca ŭ Šviejcaryi ŭ toj samy čas, kali pasłańniki Biełaha doma Styŭ Uitkaf i Džared Kušnier buduć vieści pieramovy ŭ Maskvie z prezidentam Rasii Uładzimiram Pucinym. Abiedźvie sustrečy buduć pryśviečanyja abmierkavańniu «mirnaha płana» ZŠA pa zakančeńni vajny va Ukrainie.
ZŠA ŭžo «blizkija da damoŭlenaści» z Ukrainaj adnosna pałažeńniaŭ płana, u toj čas jak Rasija pakul nie dała publičnaha paćviardžeńnia. Axios adznačaje, što adsutnaść zhody Rasii pa 20‑punktavym płanie stała adnoj z pryčyn, čamu Bieły dom nie zachacieŭ padpisvać «płan roskvitu» dla Ukrainy padčas forumu ŭ Davosie.
Sam Tramp u svaim vystupie na forumie paćvierdziŭ, što sustreniecca ź Zialenskim, i nazvaŭ dataj sustrečy sieradu. Adnak daradca prezidenta Ukrainy Dźmitryj Litvin paźniej udakładniŭ, što pa stanie na 17:00 21 studzienia Zialenski znachodzicca ŭ Kijevie.
20 studzienia Zialenski adznačaŭ, što ŭmovaj sustrečy z amierykanskim bokam u Davosie pavinny być kankretnyja vyniki.
«Ja prosta prašu kavałak lodu». Tramp skazaŭ, što nie budzie zachoplivać Hrenłandyju siłaj
Tramp u Davosie: Jeŭropa ruchajecca nie ŭ tym kirunku
Narviehija admoviłasia ŭvajści ŭ trampaŭskuju Radu miru
«Boh vielmi hanarycca pracaj, jakuju ja zrabiŭ». Tramp vylecieŭ na Suśvietny ekanamičny forum u Davosie
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary