Pientahon try dni nie paviedamlaŭ Biełamu domu ab špitalizacyi svajho kiraŭnika
Pientahon na praciahu troch dzion nie paviedamlaŭ prezidentu ZŠA Džo Bajdenu i inšym vysokapastaŭlenym čynoŭnikam ab špitalizacyi ministra abarony Łojda Ościna, śćviardžaje Politico.
70-hadovy ministr byŭ špitalizavany ŭviečary 1 studzienia praz «uskładnieńni paśla płanavaj miedycynskaj pracedury». Pres-reliz dla hramadskaści pra heta vyjšaŭ tolki 5 studzienia.
Surazmoŭcy Politico śćviardžajuć, što daradca prezidenta ŭ nacyjanalnaj biaśpiecy Džejk Salivan daviedaŭsia pra špitalizacyju Ościna tolki 4 studzienia. Tady ž jon paviedamiŭ pra heta Bajdenu.
Surazmoŭcy vydańnia taksama zajavili, što navina ab špitalizacyi Ościna stała šokam dla ŭsich supracoŭnikaŭ administracyi prezidenta. U toj ža čas supracoŭniki Savieta nacyjanalnaj biaśpieki byli ździŭleny, što Pientahonu spatrebiłasia tak šmat času, kab dać hetuju infarmacyju, piša Politico.
Pavodle źviestak vydańnia, pradstaŭniki Pientahona apaviaścili Kanhres ZŠA ab stanie Ościna prykładna za 15 chvilin da aficyjnaj zajavy. Na nastupny dzień Pientahon apublikavaŭ kamientar Ościna, u jakim jon paviedamiŭ, što idzie na papraŭku i raźličvaje nieŭzabavie viarnucca da pracy. Ministr taksama pryznaŭ, što moh by lepš infarmavać hramadskaść ab svaich prablemach sa zdaroŭjem.
Pavodle NBC, Ościn čatyry dni znachodziŭsia ŭ adździaleńni intensiŭnaj terapii.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary