Prysud dzietazabojcam sa Słucka pakinuli bieź źmienaŭ. Baćku rasstralajuć
Kančatkovy prysud u adnosinach da zabojcaŭ 3-hadovaha dziciaci vynies siońnia Viarchoŭny sud, razhledzieŭšy apielacyjnyja skarhi, padadzienyja fihurantami kryminalnaj spravy i ich advakatami, piša «Minskaja praŭda».
Alaksandr Taratuta tak i nie raskajaŭsia ŭ zroblenym. Jon navat drenna pamiataŭ, što napisaŭ u skarzie.
Nahadajem, Alaksandra Taratutu prysudzili da rasstrełu, a Anastasiju Taratutu asudzili na 25 hadoŭ kałonii strohaha režymu i lačeńnie ad ałkahalizmu.
Sud prajšoŭ u kastryčniku. Alaksandra i Anastasiju Taratutaŭ abvinavačvali ŭ katavańni i zabojstvie z asablivaj žorstkaściu trochhadovaha syna Siamiona. Kryminalnuju spravu razhladaŭ Minski abłasny sud na vyjaznym pasiadžeńni ŭ Słucku.
Muža i žonku sudzili pavodle dvuch artykułaŭ Kryminalnaha kodeksa:
— č. 2 art. 154 (naŭmysnaje pryčynieńnie praciahłaha bolu, pakut sposabami, jakija vyklikajuć asablivyja fizičnyja i psichičnyja pakuty, sistematyčnaje naniasieńnie pabojaŭ (katavańnie), ździejśnienaje ŭ dačynieńni da zaviedama niepaŭnaletniaha, asoby, jakaja znachodzicca ŭ biezdapamožnym stanie i ŭ zaležnym stanoviščy);
— p. 2, 6, 15 č. 2 art. 139 (naŭmysnaje supraćpraŭnaje pazbaŭleńnie žyćcia inšaha čałavieka (zabojstva), zaviedama małaletniaha, asoby, jakaja znachodzicca ŭ biezdapamožnym stanie, ździejśnienaje z asablivaj žorstkaściu, hrupaj asob).
Psichołaha-psichijatryčnaja ekśpiertyza pryznała abaich adekvatnymi.
Baćka kazaŭ, što maleńki Siamion razdražniaŭ i jaho, i jahonuju žonku, bo «kraŭ sa stała i raźbivaŭ talerki». Jon paviedamiŭ śledčym, što «pačaŭ bić Siamiona, kali tamu spoŭniłasia dva hady».
Niekatorym śviedkam, jakija byli ŭ zale suda, stanaviłasia błaha ad ubačanaha.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary