Źbirajuć hrošy na dapamohu ŭdavie i dzieciam biełarusa, jaki zahinuŭ va Ukrainie
Va Ukrainie 7 kastryčnika zahinuŭ biełaruski dobraachvotnik z pazyŭnym «Bachus». Dla dapamohi jahonaj asiraciełaj siamji na płatformie «Bajsoł» abvieščany zbor.
Bachus udzielničaŭ u biełaruskich pratestach 2020 hoda, ale byŭ vymušany pakinuć krainu, kab paźbiehnuć kryminalnaha pieraśledu. Paśla hetaha jon uładkavaŭsia dalnabojnikam u Polščy.
Kali pačałasia poŭnamaštabnaja vajna va Ukrainie, Bachus nie zmoh zastacca ŭ baku i dałučyŭsia da dobraachvotnickaha ruchu, kab udzielničać u nabližeńni pieramohi. Jon prajšoŭ praz mnostva bajoŭ i dobra prajaviŭ siabie na froncie.
7 kastryčnika minułaha hoda Bachus zahinuŭ pad Bachmutam. Jon pachavany ŭ Kijevie na Alei Słavy, stvoranaj admysłova dla vajaroŭ, jakija addali žyćcio za niezaležnaść Ukrainy.
Siamja Bachusa znachodzicca ŭ Biełarusi, ale źbirajecca pierajazdžać u Jeŭropu. Jahonaja žonka — hramadzianskaja aktyvistka, była zvolnienaja z pracy za aktyŭnuju pazicyju. Taksama ŭ Bachusa zastałosia troje dziaciej, jakich treba zabiaśpiečyć usim nieabchodnym, dać im adukacyju i biaśpieku.
Srodki patrebnyja na pierajezd, moŭnuju padtrymku, prafiesijnaje navučańnie, adzieńnie, ježu i na apłatu žylla na pieršy čas.
Suma zboru: 7000 jeŭra.
Padtrymać zbor svaim unioskam možna pa spasyłcy.
U Šviejcaryi pamior biełarus z pałka «Pahonia». Mierkavana, jaho źbili afrykanskija mihranty
«Dapamahali chłopcu, jaki byŭ u pałonie ŭ Biełarusi». Historyja biełarusa, jaki stavić pratezy ŭkrainskim vajskoŭcam
«Naohuł, ja davoli ŭdačlivy». Biełaruski vajar padarvaŭsia na minie i trapiŭ pad BMP, ale źbirajecca viarnucca na vajnu
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary