«Čornaja małanka» ad Cimura Biekmambietava — rasiejski komiks pra supiermena.
«Čornaja małanka» Cimura Biekmambietava — rasiejski komiks pra supiermena.
Čornaja małanka (Čiornaja mołnija)
Rasieja, 2009, kalarovy
Režysiory: Alaksandr Vajcinski, Dźmitry Kisialoŭ
Pradusar: Cimur Biekmambietaŭ
Roli vykonvajuć: Hryhoryj Dabrynin, Kaciaryna Viłkava, Viktar Viaržbicki, Siarhiej Harmaš, Valer Załatuchin, Ivan Žytkoŭ, Kaciaryna Vasiljeva, Michaił Jafremaŭ, Juozas Budrajcis
Žanr: rasiejski komiks pra supiermena
Adznaka: 4,5 (z 10)
Skvapny niahodnik maryć praburyć plitu, na jakoj staić Maskva, kab darvacca da ałmazaŭ. Dla hetaha jamu nieabchodna mašyna z nanaruchavikom. I mienavita takaja mašyna — u vyhladzie dapatopnaj «Vołhi» — traplaje ŭ ruki ŭ hałoŭnamu hieroju. Niebahaty student Dzima, zakachany ŭ miascovuju pryhažuniu, padpracoŭvaje razvozam kvietak. Pa sumiaščalnictvie jamu pryjdziecca stać supiermenam.
Praca ŭ Halivudzie pajšła režysioru Biekmambietavu na karyść. Ciapier u spradusavanym im filmie jość ludzi (niachaj i adnamiernyja) — i jość siužet, a nie biazładny nabor statusnych klipaŭ. Naviaźliva-rekłamnyja dy «vstałoskolennyje» momanty amal niezaŭvažnyja. Chacia vietliva padkreślivajecca, što «Vołha» — mašyna Pucina, a hałoŭnyja razborki adbyvajucca na Krasnaj płoščy.
Natužliva ŭśmichajecca hierainia, źziajuć čyrvonyja zorki. «Ty musiš padniacca! Ty musiš padniacca!» — zaklikaje rasiejski patryjatyčny słohan.
Tolki kiroŭca — nie supiermen, a «Vołha» — nie betmamabil.
Ciapier čytajuć
«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA1
Kamientary