«Adna z kostak razłamałasia na try častki». Stryžak raskazaŭ, jak złamaŭ ruku
Suzasnavalnik «Bajsoł» Andrej Stryžk apošnija miesiacy źjaŭlaŭsia ŭ kadry ź pieraviazanaj rukoj. Jon raskazaŭ, jak atrymaŭ traŭmu.
Zdareńnie adbyłosia ŭ Vilni.
«30 kastryčnika padletak bieh praź Bieły most, pa jakim ja jechaŭ na arendnym samakacie i na jakim my sutyknulisia. Jon vyskačyŭ mnie litaralna pad koła i vyjšaŭ z hetaj historyi mocna napužany, ale biez adzinaj drapiny, a ja atrymaŭ pierałom i vyvich dźviuch kostak pravaj ruki ŭ troch miescach. Adna z kostak razłamałasia na try častki, jakija parvali miasa ŭnutry ruki.
Palicyja. Chutkaja. Piać z pałovaj hadzin apieracyi. Dźvie stalnyja płaściny i 18 bałtoŭ. Dva z pałovaj miesiacy z łanhietaj. Na minułym tydni ja jaje źniaŭ», — raspavioŭ Stryžak u fejsbuku.
Jon kaža, što vydatna ŭmieje kiravać samakatam.
«Ja try hady byŭ karystalnikam elektrasamakata i vydatna vałodaju technikaj kiravańnia im u lubych umovach, ale trapiŭ u zdareńnie na roŭnym miescy, ćviarozy i na nie samaj vialikaj (18 km/h) chutkaści. Bo ty nikoli nie kantraluješ pavodzinaŭ inšych ludziej, asabliva padletkaŭ, jakija hulajucca ŭ dahaniałki la prajeznaj častki».
Andrej piša, što z troch pierałomaŭ u jaho pakul zrośsia tolki adzin. Niahledziačy na toje, što razłamanaja na try častki kostka tak i nie zrasłasia, ruka amal całkam funkcyjanuje, bo trymajecca na stalnych płaścinach.
«Niezrastańnie kostki možna zafiksavać dyjahnazam tolki praz paŭhoda paśla pierałomu. Kali jana nie zraściecca, u mianie buduć brać donarski materyjał sa ściahna i zroščvać ruku z padsadkaj kostki», — apisvaje jon pierśpiektyvy, ale zachoŭvaje aptymizm.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary